ગુજરાત એગ્રો ઇન્ડસ્ટ્રીઝ કોર્પોરેશન લિમિટેડ દ્વારા ફૂડ પ્રોસેસિંગ સેક્ટર માટે બે દિવસીય આંત્રપ્રિન્યોરશિપ અવેરનેસ પ્રોગ્રામનું આયોજન

અમદાવાદ ખાતે ગુજરાત એગ્રો ઇન્ડસ્ટ્રીઝ કોર્પોરેશન લિમિટેડ, અમદાવાદ ચેમ્બર ઓફ કોમર્સ વેલ્ફેર ફંડ અને ઇનોવેટિવ ફૂડ આંત્રપ્રિન્યોર્સ એસોસિએટ્સ એલએલપી દ્વારા ફૂડ પ્રોસેસિંગ સેક્ટર માટે આંત્રપ્રિન્યોરશિપ અવેરનેસ પ્રોગ્રામ અંતર્ગત સબસિડી અને લોન સેમિનારનું આયોજન કરવામાં આવેલ છે. આ કાર્યક્રમ વિશે વધુમાં માહિતી આપવા માટે જયેન્દ્ર તન્ના  (અધ્યક્ષ, અમદાવાદ ચેમ્બર ઓફ કોમર્સ), અનિલ મુલચંદાની (ઇનોવેટીવ ફૂડ એન્ટરપ્રેન્યોર), એમ કે ખુરેશી – ડાયરેક્ટર ગુજરાત એગ્રો ઇન્ડસ્ટ્રી કોર્પોરેશન લિ., હેતલ અમીન – કલ્યાણી મહિલા સહસી વિકાસ સંગ અને રોહિત ખન્ના – IFPI સહ-સ્થાપક ઉપસ્થિતઃ રહ્યા હતા.

ગુજરાતના ફૂડ આંત્રપ્રિન્યોર્સ (ખાદ્ય ઉદ્યોગસાહસિકો)ને આ યોજનાઓ વિશે જાગૃત કરવા માટે, ફૂડ પ્રોસેસિંગ સેક્ટર માટે આંત્રપ્રિન્યોરશિપ અવેરનેસ પ્રોગ્રામ – સબસિડી અને લોન સેમિનાર પ્રધાન મંત્રી એન્ટરપ્રાઈઝ ઑફ માઈક્રો ફૂડ પ્રોસેસિંગ (પીએમએફએમઇ) દ્વારા આપવામાં આવતા પ્રોત્સાહનોનો લાભ લેવા ઇચ્છતા લોકોને માહિતી આપશે. જે માટે અરજદારોની લોનની જરૂરિયાતો પર પ્રક્રિયા કરવા માટે સંખ્યાબંધ બેંકો ઇવેન્ટમાં તેમના ટેબલ મૂકવા માટે સંમત થઈ છે.

આ કાર્યક્રમનું આયોજન ભાસ્કર રાય પંડ્યા કોમ્યુનિટી હોલ, બોડકદેવ ખાતે 10મી અને 11મી ઓક્ટોબર 2022ના રોજ સવારે 10.30થી સાંજના 6.00 વાગ્યા સુધી કરવામાં આવી રહ્યું છે.

ફૂડ પ્રોસેસિંગ સેક્ટરનું યોગદાન 2014-15માં 1.34 લાખ કરોડ રૂપિયાથી વધીને 2020-21માં 9.97%ના ચક્રવૃદ્ધિ વાર્ષિક વૃદ્ધિ દર (સીએજીઆર) પર ફૂડ પ્રોસેસિંગ સેક્ટરમાં ગ્રોસ વેલ્યુ એડેડ (જીવીએ) સાથે સતત વધી રહ્યું છે. ભારતમાં રજિસ્ટર્ડ મેન્યુફેક્ચરિંગ સેક્ટરમાં કુલ આઉટપુટનો આ હિસ્સો 12-13% કરતાં વધુ છે. તેમ છતાં, ફૂડ પ્રોસેસિંગ સેક્ટર એ કેટલાંક મોટા ખેલાડીઓ અને વિશાળ સંખ્યામાં મધ્યમ, નાના અને સૂક્ષ્મ સાહસો સાથેનો એક ખંડિત ઉદ્યોગ છે.

અસંગઠિત અથવા અર્ધ-સંગઠિત ક્ષેત્રમાં લગભગ 25 લાખ એકમો છે, જે ફૂડ પ્રોસેસિંગ ક્ષેત્રમાં રોજગારમાં 74% યોગદાન આપે છે. આમાંના લગભગ 66% એકમો ગ્રામીણ વિસ્તારોમાં સ્થિત છે અને તેમાંથી લગભગ 80% કુટુંબ આધારિત સાહસો છે, જે ગ્રામીણ ઘરોમાં આજીવિકાને ટકાવી રાખે છે અને શહેરી વિસ્તારોમાં તેમનું સ્થળાંતર ઘટાડે છે. આ એકમો મોટાભાગે રૂ. 1 કરોડથી ઓછા મૂડી રોકાણ અને રૂ. 5 કરોડથી ઓછા ટર્નઓવરવાળા સૂક્ષ્મ સાહસોની શ્રેણીમાં આવે છે. ઘણી એનજીઓ, સ્વ-સહાય જૂથો, ખેડૂત ઉત્પાદક સંસ્થાઓ, ગૃહ ઉદ્યોગ, સહકારી અને ઘર-આધારિત ખાદ્ય સાહસિકો છે, જે ખાદ્ય ઉત્પાદનોના વ્યવસાય સાથે સંકળાયેલા છે.

પ્રધાન મંત્રી એન્ટરપ્રાઈઝ ઑફ માઈક્રો ફૂડ પ્રોસેસિંગ (પીએમએફએમઇ) યોજનાનું ઔપચારિકીકરણ એ સૂક્ષ્મ અને નાના ફૂડ એન્ટરપ્રાઇઝીસને ટેકો આપવાની પહેલ છે, જેમાંથી મોટાભાગના અસંગઠિત ક્ષેત્રમાં આવે છે.

યોજના અંતર્ગત મળતા લાભ:

·         વ્યક્તિગત માઇક્રો ફૂડ પ્રોસેસિંગ એકમો માટે, પાત્ર પ્રોજેક્ટ ખર્ચના 35% ક્રેડિટ-લિંક્ડ કેપિટલ સબસિડીનો લાભ મહત્તમ રૂપિયા 10 લાખ પ્રતિ યુનિટ સાથે મેળવી શકાય છે.

·         વેલ્યૂ ચેઇન સાથેના મૂડી રોકાણ માટે, 30% ક્રેડિટ લિંક્ડ ગ્રાન્ટ એફપીઓ, એસએચજી અને સહકારી સંસ્થાઓને ઉપલબ્ધ કરાવવામાં આવશે.

·         ફૂડ પ્રોસેસિંગમાં સંકળાયેલા એસએચજી માટે કાર્યકારી મૂડી અને નાના સાધનોની ખરીદી માટે અનુદાનના સ્વરૂપમાં એસએચજી સભ્ય દીઠ રૂ. 40,000 સીડ કેપિટલ પ્રદાન કરવામાં આવશે.

·         વેરહાઉસ, કોલ્ડ સ્ટોરેજ અને પ્રોસેસિંગ ફેસિલિટી જેવી સામાન્ય માળખાકીય સુવિધાઓના વિકાસ માટે 35% ક્રેડિટ લિંક્ડ ગ્રાન્ટ એસએચજી, એફપીઓ, સહકારી સંસ્થાઓ, રાજ્ય માલિકીની એજન્સીઓ અને ખાનગી સાહસિકોને ઉપલબ્ધ કરાવવામાં આવશે.

·         હાલના માઇક્રો ફૂડ પ્રોસેસિંગ એકમોને તેમના માર્કેટિંગ અને બ્રાન્ડિંગને મજબૂત કરીને અને સપ્લાય ચેઇનને ઔપચારિક એકમો સાથે સંકલિત કરી તેમને સંગઠિત એકમોમાં રૂપાંતરિત કરવા માટેની સહાય.

·         સ્ટોરેજ, ઇન્ક્યુબેશન ફેસિલિટીઝ અને પેકેજિંગ જેવી વહેંચા પાત્ર સેવાઓની પહોંચ સુધી વધારો.

·         ફૂડ પ્રોસેસિંગ આંત્રપ્રિન્યોર્સ માટે વ્યવસાયિક અને તકનીકી સમર્થન.

·         વ્યક્તિગત અથવા જૂથની માલિકીના ફૂડ પ્રોસેસિંગ સાહસો માટે યોગ્ય તાલીમ અને સંશોધન.