ચીનમાં કોરોનાની શું સ્થિતિ છે તેના પર સમગ્ર દેશની નજર છે. ચીનની સરકાર સાચા આંકડા જાહેર કરી રહી નથી. આ કારણે WHOએ પણ ઠપકો આપ્યો અને કહ્યું કે તેમણે સાચો રિપોર્ટ જારી કરવાની અપીલ કરી છે. હવે, તેના સત્તાવાર અખબાર શિન્હુઆને ટાંકીને, ચીનના આરોગ્ય મંત્રાલયે ભારપૂર્વક કહ્યું છે કે કોવિડ -૧૯ વિશે તેઓએ જે પણ ડેટા અને માહિતી આપી છે તે પારદર્શક છે. યુકે સ્થિત હેલ્થ ડેટા ફર્મ એરફિનિટીએ જણાવ્યું હતું કે ચીનમાં લગભગ ૯,૦૦૦ લોકો સંભવત દરરોજ COVID-૧૯થી મૃત્યુ પામે છે. પરંતુ ચીનના રિપોર્ટમાં તેનો ક્યાંય ઉલ્લેખ નથી. ચીનના આવા વીડિયો સોશિયલ મીડિયા પર વાઈરલ થઈ રહ્યા છે. વાયરલ થયેલા વીડિયોમાં જોવા મળી રહ્યું છે કે મૃતદેહો એવી રીતે પડી રહ્યા છે કે જાણે ત્યાં કોઈ કચરો પડ્યો હોય.
નેશનલ હેલ્થ કમિશન હેઠળના મેડિકલ એડમિનિસ્ટ્રેશન બ્યુરોના વડા Xiao Yahuiyu એ કહ્યું કે ચીન હંમેશાંથી કોરોનાના સાચા આંકડા રજૂ કરે છે. મૃત્યુઆંક છુપાવવા માટે ચીને તેની નીતિ બદલી દીધી છે. અહીં માત્ર કોરોનાને કારણે થયેલા મૃત્યુની ગણતરી કરવામાં આવે છે જ્યારે જો કોરોનાને કારણે અન્ય કોઈ કારણસર મૃત્યુ થયું હોય તો તેને કોરોનામાં ગણવામાં આવતું નથી. જ્યારે અન્ય દેશોમાં એવું નથી.
જો દર્દી કોરોનામાંથી સાજા થયાના ૨૮ દિવસ પછી પણ મૃત્યુ પામે છે, તો તેને કોરોના ડેથ માનવામાં આવે છે. દુનિયા ફરી એકવાર કોરોનાથી ગભરાઈ ગઈ છે કારણ કે ચીનમાં ફરીથી કોરોનાએ હાહાકાર મચાવ્યો છે. ભારત સહિત ઘણા દેશોએ ચીનથી આવતા મુસાફરો માટે નવી માર્ગદર્શિકા જાહેર કરી છે. સ્થિતિ એટલી ખરાબ છે કે લોકો ઘરની બહાર નીકળતા ડરે છે. બીમાર લોકોને પણ દવા લેવા માટે કલાકો સુધી લાઈનમાં ઉભા રહેવું પડે છે. તે જ સમયે, હોસ્પિટલો ખીચોખીચ ભરેલી છે અને સ્મનાઘાટમાં લાશોના ઢગલા છે. કંઈક આવી જ સ્થિતિ જાપાનમાં પણ છે, જ્યાં દરરોજ ૩૦૦થી વધુ મોત થઈ રહ્યા છે. આ સિવાય અમેરિકામાં સ્થિતિ ગંભીર છે. ગઈકાલે ૧૪૦૧ દર્દીઓના વાયરસને કારણે મોત થયા હતા.
