બેંગલોર : ભારતના અતિ મહત્વકાંક્ષી મિશન ચન્દ્રયાન-૨ને અપેક્ષા મુજબ સફળતા ન મળતા કરોડો દેશવાસીઓ અને વૈજ્ઞાનિકોમાં આજે વહેલી પરોઢે નિરાશાનુ મોજુ ફરી વળ્યુ હતુ. આની સાથે જ ચન્દ્રની ધરતી ભારતીય તિરંગો ફરકાવવાનુ દરેક ભારતીયનુ સપનુ તુટી ગયુ છે. વહેલી પરોઢે દિલધડક અને શ્વાસ અદ્ધર કરી નાંખે તેવા ઘટનાક્રમના દોરમાં ચન્દ્રયાન-૨ પોતાના મિશન પર સફળતાપૂર્વક આગળ વધતી વેળા જ એકાએક સમસ્યા ઉભી થઇ હતી. મિશનની સાથે સાથે નીચે મુજબ છે
- વડાપ્રધાન નરેન્દ્ર મોદી અને દેશની જુદી જુદી સ્કુલોના ૭૪ બાળકો ચન્દ્રયાન-૨ના સફળ ઉતરાણના સાક્ષી બનવા માટે બેંગલોરના ઇસરોના કેન્દ્રમાં ઉપસ્થિત હતા
- ઇસરોના તમામ વૈજ્ઞાનિકો અને એન્જિનિયરોનો કાફલો સતત પરિસ્થિતી પર નજર રાખી રહ્યો હતો
- કરોડો લોકો વહેલી પરોઢે ટીવી સ્ક્રીન પર ઇતિહાસના સાક્ષી બનવા માટે ઉત્સુક હતા
- લેન્ડર વિક્રમ પણ ચન્દ્રને સ્પર્શ કરવા માટે પોતાની રીતે આગળ વધી રહ્યુ હતુ
- સોફ્ટ લેન્ડિંગ માટે તેની ગતિને ઓછી કરવામાં સફળતા પણ મળી રહી હતી
- વૈજ્ઞાનિકો ભારે ખુશખુશાળ દેખાઇ રહ્યા હતા
- લેન્ડર વિક્રમ ચન્દ્રથી હવે ૨.૧ કિલોમીટરના અંતરે સ્થિત હતુ અને ભારતીયોની ઉત્સુકતા વધી રહી હતી. એ જ ગાળામાં સ્ક્રીન પર આવી રહેલા ડેટા આવવાનુ બંધ થઇ જતા એકાએક નિરાશા ફેલાઇ
- ઇસરો દ્વારા સંપર્ક કરવાના પ્રયાસો ત્યારબાદ હાથ ધરવામાં આવ્યા હતા
- સ્ક્રીન પર ડેટા આવવાનુ બંધ થઇ જતા ઇસરોના વડા કે શિવન અને અન્યો નિરાશ દેખાયા હતા
- શિવાન અન્ય વૈજ્ઞાનિકોએ મોદી પાસે પહોંચીને સમગ્ર વિષય પર વાત કરી
- મોદીએ પણ તમામ વૈજ્ઞાનિકોને હિમ્મત બંધાવી
- લેન્ડર વિક્રમ લેન્ડ થયુ છે કે પછી ક્રેશ થયુ તે અંગે હજુ સુધી માહિતી મળી શકી નથી
- ડેટામાં એનાલીસીસ કરવાની કામગીરી હાથ ધરવામાં આવી
- છેલ્લા તબક્કામાં સંપર્ક ગુમાવી દેતા કરોડો લોકોની આશા પર પાણી ફરી વળ્યુ
- તાળિયોના માહોલ વચ્ચે એકાએક ગમગીની છવાઇ
- વડાપ્રધાન મોદીનુ રાષ્ટ્રજોગ સંબોધન રદ કરવામાં આવ્યુ હતુ
