ગાંધીનગર : રાજ્યભરમાં ગઈ કાલે હોળી પર્વની ધામધૂમથી ઉજવણી કરવામાં આવી, ત્યારે ગાંધીનગર નજીક આવેલા પાલજ ગામમાં આશરે 700 વર્ષ જૂની પરંપરા અનુસાર ગુજરાતની સૌથી મોટી હોળી પ્રગટાવવામાં આવી હતી. પાલજ ખાતે મહાકાળી માતાના પૂજન સાથે પ્રગટાવવામાં આવનાર 35 ફૂટ જેટલી ઊંચી હોળીના દર્શન કરવા માટે મોટી સંખ્યામાં શ્રદ્ધાળુઓ ઉમટી પડ્યા હતા. જેને લઈને કાયદો અને વ્યવસ્થા જળવાઈ રહે તે માટે તંત્ર દ્વારા ચુસ્ત પોલીસ બંદોબસ્ત પણ ગોઠવવામાં આવ્યો હતો. પાલજમાં શ્રદ્ધા અને આસ્થાના સંગમ સાથે હોળી ઉત્સવની ભવ્ય ઉજવણી કરવામાં આવી હતી.
પાલજમાં હોળીની જ્વાળાઓ પરથી આવતા વર્ષના વરતારા જોવાની પણ પરંપરા છે. આ દરમિયાન અંબાલાલ પટેલ પણ હોળીનો વરતારો કરવા માટે પહોંચ્યા હતા, જ્યાં તેમણે આગામી દિવસોમાં રાજ્યનું હવામાન કેવું રહી શકે છે તે અંગેની સંભાવનાઓ વ્યક્ત કરી છે. અંબાલાલ પટેલે ખેડૂતો રાજી થાય તેવી આગાહી કરી છે.
હવામાન નિષ્ણાત અંબાલાલ પટેલે વર્ષનો વરતારો કાઢતા જણાવ્યું હતું કે, આ વખતની હોળીનો પવન ઉત્તર દક્ષિણ તરફનો છે. આ પવન આવનાર વર્ષ માટે ખૂબ જ સાનુકૂળ રહેશે. આજે પ્રગટાવવામાં આવેલી હોળીને જોતા એવું લાગે છે કે સવારમાં ઠંડી રહેશે અને બપોર બાદ ગરમીનું વાતાવરણ રહેવાની સંભાવના છે. જો કે આવનાર ચોમાસુ ખેડૂતો માટે આ વર્ષ ખૂબ જ સારું રહેવાની આશંકા વ્યક્ત કરવામાં આવી છે. આજની હોળીનો પવન પરંપરાગત રીતે સારો રહેવાનું સૂચવે છે.
હોળીની જ્વાળા જોતા ગુજરાતમાં પવનની દિશા પણ સાનુકૂળ રહેવાની શક્યતા છે. ખેડૂતો માટે આ ખૂબ જ સારું વર્ષ જોવામાં આવી રહ્યું છે કેમકે પશ્ચિમ ઉત્તરનો પવન સારો દક્ષિણ નૈઋત્યના પવનો સાધારણ વરસાદ કરે હોળીની ઝાળ ઉપર જતી નથી હોળીનો પવન આ વખતે પવન ધુમરાં પણ લેતી નથી. કેમકે નથી કેમકે પવન ઉત્તર દક્ષિણ હોવાથી વર્ષ સારું રહેવાની વાત પુરવાર કરે. જેથી સારું ચોમાસું અને ખેડૂતો માટે ખૂબ જ સાનુકૂળ ભર્યું ગણવામાં આવી રહ્યું છે. આમ પાલજ ખાતે રાજ્યની સૌથી મોટી હોળી ઉજવણી થઈ અને હવામાન નિષ્ણાત અંબાલાલ પટેલે હોળીના જ્વાળા પરથી વર્ષનો વરતારો કર્યો.
