- રુ.126,000 કરોડ ( USD લર 14.7 બિલિયન)નો વિક્રમી કેપેક્સ
- વૈશ્વિક સ્તરે માળખાકીય ક્ષેત્રે અસ્ક્યામતો પર સૌથી વધુ 16.5% રીટર્ન
વડોદરા, મે ૨૦૨૫: અદાણી પોર્ટફોલિયોની લિસ્ટેડ તમામ કંપનીઓના નાણાકીય વર્ષ- 25 ના પરિણામો અને વિકાસકીય ગતિવિધીઓનું વિહંગાવલોકન કરતો અહેવાલ જારી કર્યો છે.
અદાણી સમૂહના સી.એફ.ઓ. શ્રી જગેશિન્દર-રોબીએ જણાવ્યું હતું કે નાણાકીય વર્ષ 25 ની મુખ્ય ગતિવિધી એ અસ્ક્યામતો ઉપર 16.5%નું વળતર એ અદાણી સમૂહની કંપનીઓની સતત ધમધમતી ઔદ્યોગિક પ્રવૃત્તિઓને ચિન્હીત કરે છે, જે વૈશ્વિક સ્તરે કોઈપણ માળખાકીય વ્યવસાયમાં સૌથી વધુ હોવા ઉપરાંત અસ્કયામતોની શ્રેષ્ઠ ગુણવત્તા અને અદાણી સમૂહની સમગ્ર કંપનીઓના પ્રકલ્પોના અમલીકરણની ક્ષમતાઓને વધુ પ્રોત્સાહન આપે છે.
તેમણે ઉમેર્યું હતું કે વધુમાં અમે તમામ પોર્ટફોલિયો કંપનીઓ દ્વારા જાહેર કરાયેલ કરોના પારદર્શિ અહેવાલ ઉપરાંત પાછલા વર્ષોમાં કરેલી વિવિધ પહેલો તેમજ સંચાલન અને ઇએસજી સંબંધી પહેલોમાં આંતરરાષ્ટ્રીય ઇએસજી રેટિંગ એજન્સીઓ દ્વારા શ્રેષ્ઠ-ઉદ્યોગ ઇએસજીના હાંસલ કરેલા ક્રમાંકમાં પ્રતિબિંબીત થઇ છે.
નાણકીય વર્ષ-25 અદાણી પોર્ટફોલિયો માટે એક સીમાચિહ્ન વર્ષ બની રહ્યું હતું, તદનુસાર એબિડ્ટા રુ.89,806 કરોડ (યુએસડી 10.5 બિલિયન)ના અત્યાર સુધીના સૌથી વધુ આંકને સ્પર્શ્યો હતો. જે વાર્ષિક ધોરણે 8.2% સુધી હતો. વાર્ષિક ધોરણે પુનરાવર્તિત અગાઉના સમયની આઇટમ્સને બાદ કરતાં, વૃદ્ધિ 18%થી પણ વધુ છે.
ઉલ્લેખનિય છે કે EBITDAના 82% ફાળો ઉચ્ચ સ્થિર ‘કોર ઇન્ફ્રાસ્ટ્રક્ચર’ પ્લેટફોર્મએ આપ્યો છે, જે ઉચ્ચ કક્ષાની સ્થિરતા અને દૃશ્યતાને આભારી છે. અદાણીના ‘કોર ઇન્ફ્રાસ્ટ્રક્ચર’ પ્લેટફોર્મમાં અદાણી ગ્રીન એનર્જી, અદાણી પાવર, અદાણી એનર્જી સોલ્યુશન્સ, અને અદાણી ટોટાલ ગેસ, પરિવહન અને અદાણી પોર્ટ્સ અને સેઝ યુટીલિટીનો સમાવેશ થાય છે.
કર બાદ રોકડ અથવા કામકાજમાંથી ભંડોળનો પ્રવાહ વધીને રુ.66,527 કરોડ (યુએસડી 7.8 બિલિયન.) થયો છે, જે વ્યવસાયોમાં મજબૂત ઓપરેટિંગ લીવરેજ દ્વારા સંચાલિત છે. કર બાદનો નફો રુ.40,565 કરોડની નવી ઉંચાઇએ પહોંચ્યો હતો..ઉચ્ચ રોકડ પ્રવાહે રુ.1.26 લાખ કરોડ (યુએસડી 14.7 બિલિયન)ની વિક્રમજનક સંપત્તિ ઉમેરવામાં મદદ કરી છે. અદાણી પોર્ટફોલિયોના ઇતિહાસમાં સૌથી વધુ કુલ કુલ સંપત્તિ રુ. 6.1 લાખ કરોડ (71.2 બિલિયન) પર લઈ ગઈ છે. ગત છ વર્ષ દરમિયાન તેના ત્રણ-ચોથા ઉમેરવામાં આવ્યા હતા.
સમજણપૂર્વક મૂડીની ફાળવણીના મજબૂત અમલ દ્વારા પૂરક બની છે, તેણે ગત છ વર્ષમાં દરેકમાં ઉદ્યોગ પ્રેરીત સતત 15%થી વધુ વળતર પ્રાપ્ત કરવામાં અદાણી પોર્ટફોલિયોને સતત મદદ કરી છે. નાણાકીય વર્ષ 25માં માળખાકીય ક્ષેત્રમાં વિશ્વ સ્તરે સૌથી વધુ 16.5% વળતર હતુ. નફામાં ઉંચી વૃદ્ધિના કારણે પોર્ટફોલિયો કંપનીઓના લિવરેજમાં તીવ્ર ઘટાડો થયો છે- પોર્ટફોલિયો-સ્તરનું નેટ ડેટ એબિડ્ટા નાણાકીય વર્ષ-19 માં જે 8.8x હતો તે ઘટીને હવે 2.6xની નીચે છે.
વ્યવસાયોની મજબૂત નાણાકીય કામગીરીના પરિણામે નાણાકીય વર્ષ 25 માં સિમાચિહ્નરુપ સિદ્ધિ સાથે રેટિંગ્સમાં સતત સુધારો થયો છે. અનુક્રમે બે અને છ વર્ષ પહેલાં 63% અને 48% ની તુલનામાં લગભગ 90% એબિડ્ટા હવે ‘એએ-’ અને તેથી વધુના ઘરેલુ રેટિંગ્સ સાથેની સંપત્તિમાંથી ઉત્પન્ન થાય છે. પરિણામે નાણાકીય વર્ષ- 24 માં 9% અને વર્ષ-19 માં 10.3% સામે નાણાકીય વર્ષ 25 માટે દેવાનું મૂલ્ય 7.9% હતું.
અમારી રૂઢિચુસ્ત ક્રેડિટ નીતિઓને અનુરૂપ ઓછામાં ઓછા આગામી 12 મહિના માટે ડેટ સર્વિસિંગ આવશ્યકતાઓને આવરી લેવા માટે પોર્ટફોલિયો કંપનીઓમાં પૂરતી લિક્વિડિટી જાળવવામાં આવે છે. 31 માર્ચ 2025 સુધીમાં અદાણી પોર્ટફોલિયોમાં રુ.53,843 કરોડની રોકડ પૂૂરાંત હતી. જે કુલ દેવાના 18.5% છે અને ડેટ સર્વિસિંગ આપવાની અમારી 12 મહિના 1 દિવસની નીતિના ઉપરના 21 મહિનાની ડેટ સર્વિસિંગ આવશ્યકતાઓને આરામથી આવરી લેવા માટે પૂરતું છે. અદાણી એન્ટરપ્રાઇઝમાં ઉભરતા માળખાકીય વ્યવસાયો અને સંકલિત સંસાધનનું સંચાલન, ખાણકામ અને ખનન સેવાઓ હાલના વ્યવસાયો શામેલ છે. અદાણી પાવર લિ.માં નાણાકીય વર્ષ- 25 માં રુ. 9,322 કરોડમાં અગાઉના નાણા વર્ષ 24ના સમયની રુ. 2,433 કરોડની આવક શામેલ છે.
નાણાકીય વર્ષ-25 અદાણી એન્ટરપ્રાઇઝ લિ. હસ્તક અનિલ સોલર મોડ્યુલનું વાર્ષિક ધોરણે વેચાણ 59% વધીને 4263 મેગાવોટ થયું છે. 6 ગિગાવોટની વધારાની ક્ષમતા માટે ટોપકોન મોડ્યુલ અને સેલ લાઇનનું વિસ્તરણ શરૂ કરાયું છે. અદાણી એરપોર્ટ પર વાર્ષિક ધોરણે પેક્સની હેરફેર 7% વધીને 94.4 મિલિયન અને કાર્ગોના પરિવહન વાર્ષિક ધોરણે 8% વધીને 1.09 મિલિયન મેટ્રિક ટન થયું છે.
માર્ગના વ્યવસાયમાં અત્યાર સુધીમાં સૌથી વધુ 2,410.1 લેન-કિલોમીટરનું નિર્માણ કરવામાં આવ્યું છે. નિર્માણ હેઠળના 8 પ્રકલ્પોમાંથી 7નું કામ 70% પૂર્ણ થયું છે. મુંદ્રામાં વાર્ષિક 500 કિલો ટન કોપર સ્મેલ્ટર કાર્યરત કરવામાં આવ્યું છે અને આગામી મહિનામાં સંપૂર્ણ રીતે ધમધમતુ કરવામાં આવશે.
અદાણી ગ્રીન એનર્જી લિ. દ્વારા વાર્ષિક ધોરણે ઓ૫રેશનલ ક્ષમતા 30%ના વધારા સાથે 2,710 મેગાવોટ સૌર અને 599 મેગાવોટ વિન્ડ પાવર પ્લાન્ટ્સના ઉમેરા સાથે વધીને 14,243 મેગાવોટ થઇ છે. અદાણી એનર્જી સોલ્યુશન્સ લિ.ની ટ્રાન્સમિશન ઓર્ડર બુક એક વર્ષ અગાઉના રુ. 17,000 કરોડ (USD 2 બિલિયન) થી સાડા ત્રણ ગણી વધીને રુ. 59,936 કરોડ (USD 7 બિલિયન) થઇ છે. નાણાકીય વર્ષ 25 દરમિયાન સાત નવા ટ્રાન્સમિશન પ્રોજેક્ટ્સ જીત્યા છે, જેમાં રાજસ્થાન તબક્કો III ભાગ -1 (ભડલા-ફતેહપુર એચવીડીસી ટ્રાન્સમિશન લાઇન) નો સમાવેશ થાય છે. કંપનીએ આજ સુધીના આ સૌથી મોટા ઓર્ડર હાંસલ કર્યા છે.
અદાણી પાવર લિ.એ 102 બિલિયન યુનિટ વીજ ઉત્પાદન કર્યું છે જે વાર્ષિક ધોરણે 20% ઉંચુ છે. ઓપરેશનલ ક્ષમતા વધીને હવે 17.5 ગિગાવોટ થઈ છે પરિણામે અદાણીનો કુલ યુટિલિટી પોર્ટફોલિયો 30 ગિગાવોટેે પહોંચ્યો છે.
અદાણી પોર્ટ્સ અને સ્પેશ્યલ ઇકોનોમિક ઝોન લિ.નું કાર્ગોનું વોલ્યુમ કન્ટેનર વોલ્યુમમાં 20% મજબૂત વૃધ્ધિના અનુસંધાને વાર્ષિક ધોરણે 7% વધીને 450 મિલિયન મેટ્રિક ટન થયું છે. કામકાજ શરુ કરવામાં આવ્યાના ફકત ચાર માસમાં વિઝ્હીન્જમ પોર્ટએ માર્ચ-2025માં 100,000 TEUsનો સિમાચિહન આંક વટાવ્યો છે.
અદાણી પોર્ટફોલિઓની અંબુજા સિમેન્ટ્સ લિ.એ નાણાકીય વર્ષ-24ની આખરથી વાર્ષિક 21 મિલિયન ટનના વધારા સાથે હવે વાર્ષિક 100 મિલિયન ટનની ક્ષમતા વટાવી દીધી છે.
