નકલી નકલી નકલી… દૂધ, પનીર, મસાલા અને અન્ય ખાવા પીવાની વસ્તુઓમાં બેફામ ભેળસેળ થઈ રહી છે. માર્કેટમાં નકલી વસ્તુઓ વેંચીને લોકોના સ્વાસ્થ્ય સાથે ચેડા કરવામાં આવી રહી છે. ત્યારે બજારમાં નકલી બદામ અસલી છે કે નકલી તે કેવી રીતે ખબર પડે. આવો જાણીએ.
જોકે, કેટલાક દુકાનદારો વધુ નફો કમાવવાની લાલચમાં ભેળસેળવાળી અથવા નકલી બદામ વેચવા લાગે છે. આવી સ્થિતિમાં બદામ ખરીદતી વખતે કેટલીક બાબતોનું ધ્યાન રાખવું ખૂબ જરૂરી છે. ચાલો જાણીએ કે અસલી અને નકલી બદામની ઓળખ કેવી રીતે કરી શકાય.
અસલી બદામની ઓળખ કેવી રીતે કરશો?
બદામનો રંગ જોઈને ઓળખો
બદામ ખરીદતી વખતે સૌથી પહેલાં તેનો રંગ જુઓ. સામાન્ય રીતે તાજી બદામનો રંગ ઘેરો ભૂરો હોય છે. સમય જતાં તેનો રંગ ધીમે ધીમે ઝાંખો થવા લાગે છે. આવી સ્થિતિમાં જો બદામનો રંગ ખૂબ જ ફિક્કો હોય, તો તે જૂની હોઈ શકે છે. જૂની બદામની ગુણવત્તા સારી હોતી નથી અને તેના સ્વાદમાં પણ થોડો ફેરફાર આવી શકે છે.
આંગળીઓથી ઘસીને જુઓ
ઘણા લોકો નકલી અથવા જૂની બદામને અસલી દેખાડવા માટે તેના પર રંગ લગાવીને વેચે છે. આવી સ્થિતિમાં એક-બે બદામ લઈને તેને તમારી આંગળીઓ વચ્ચે ઘસીને જુઓ. આવું લગભગ 3થી 4 મિનિટ સુધી કરો. જો બદામ ઘસવાથી હાથ પર કેસરી કે ગેરુઆ રંગ દેખાવા લાગે, તો સમજી જાઓ કે તેમાં રંગની ભેળસેળ કરવામાં આવી હોઈ શકે છે. આવી બદામ ખરીદવાનું ટાળો.
કાગળ પર દબાવીને જુઓ
બદામને સ્વચ્છ કાગળની વચ્ચે રાખો. ત્યારબાદ કોઈ ભારે વસ્તુથી તેને દબાવો. જો આમ કરવાથી કાગળ પર તેલના નિશાન દેખાય, તો તે બદામ અસલી હોઈ શકે છે. બદામમાં કુદરતી તેલ હોય છે, જે દબાવવાથી કાગળ પર દેખાઈ શકે છે. જોકે, માત્ર તેલના નિશાનના આધારે બદામ અસલી કે નકલી હોવાનું નક્કી કરી શકાય નહીં.
બદામનો સ્વાદ ચાખીને જુઓ
બદામ ખરીદતી વખતે તમે બે-ત્રણ બદામનો સ્વાદ પણ ચાખી શકો છો. જો બદામનો સ્વાદ કડવો લાગે, તો તેને ખરીદવાનું ટાળો. સામાન્ય રીતે સારી ગુણવત્તાની બદામનો સ્વાદ હળવો મીઠો અને સ્વાદિષ્ટ હોય છે.
બદામને ધ્યાનથી તપાસો
આ બધી બાબતોથી અલગ, બદામ ખરીદતાં પહેલાં તેને ધ્યાનથી તપાસો. જો બદામમાં કોઈ તિરાડ, કાણું અથવા પાવડર જેવું કંઈ દેખાય, તો તેને ખરીદવાનું ટાળો. આવી બદામમાં જીવાત લાગી હોઈ શકે છે. આ ઉપરાંત, ખુલ્લી બદામને બદલે સારી રીતે પેક કરેલી બદામ ખરીદવાનો પ્રયાસ કરો. બદામમાં ભેજ કે કોઈ અજીબ ગંધ પણ ન હોવી જોઈએ.

