કેપ્ટન સ્મિતને પૂજ્ય મોરારી બાપુના શુભેચ્છા અને આશીર્વાદ

અમદાવાદ: કેપ્ટન સ્મિતે કટોકટીની ઘડીએ દર્શાવેલી અદમ્ય હિંમત અને સમયસૂચકતાને સમગ્ર દેશ ગૌરવભેર બિરદાવી રહ્યો છે. તેમની બહાદુરીના કારણે 180 નિર્દોષ લોકોના જીવનની રક્ષા થઈ હતી. કપરા સંજોગોમાં પણ કેપ્ટન સ્મિત સતત હનુમાન ચાલીસાનો પાઠ કરતા રહ્યા અને પોતાની જાતને જોખમમાં મૂકીને અનેક લોકોના જીવ બચાવવા માટે અદમ્ય સાહસ દાખવ્યું હતું.
કેપ્ટન સ્મિતના આ બહાદુરીભર્યા કાર્યને પૂજ્ય મોરારી બાપુએ હૃદયપૂર્વક બિરદાવ્યું છે. પૂજ્ય મોરારી બાપુએ કેપ્ટન સ્મિતના પિતા તેમજ પરિવારજનો સાથે ટેલિફોનિક વાતચીત કરી તેમને શુભેચ્છાઓ પાઠવી હતી. આ સાથે પૂજ્ય બાપુએ કેપ્ટન સ્મિત ઝડપથી સંપૂર્ણ સ્વસ્થ થાય અને સારું સ્વાસ્થ્ય પ્રાપ્ત કરે તેવી પ્રાર્થના પણ કરી હતી. તેમના સાહસ અને કર્તવ્યનિષ્ઠાને બિરદાવતા મોરારી બાપુએ સમગ્ર પરિવારને આશીર્વાદ પાઠવ્યા હતા.