અમદાવાદ: DPS Bopal, અમદાવાદની ધોરણ-12ની વિદ્યાર્થીની આશની મલ્હોત્રાએ ગુજરાત સ્ટેટ એક્વાટિક એસોસિએશન દ્વારા આયોજિત સ્ટેટ એક્વાટિક મીટમાં ઉત્કૃષ્ટ પ્રદર્શન કરીને શાળા તેમજ રાજ્યનું ગૌરવ વધાર્યું છે.
આશનીએ પોતાની અસાધારણ પ્રતિભા, કઠોર મહેનત અને રમત પ્રત્યેના અડગ સમર્પણના બળ પર વિવિધ સ્પર્ધાઓમાં શાનદાર દેખાવ કર્યો હતો. સ્પર્ધામાં તેણે એક ગોલ્ડ અને ત્રણ સિલ્વર મેડલ સહિત કુલ ચાર મેડલ પોતાના નામે કર્યા હતા.
તેમણે 50 મીટર બેકસ્ટ્રોક સ્પર્ધામાં ગોલ્ડ મેડલ જીત્યો હતો, જ્યારે 100 મીટર બેકસ્ટ્રોક, 200 મીટર બેકસ્ટ્રોક અને 200 મીટર ઇન્ડિવિજ્યુઅલ મેડલે ઇવેન્ટમાં સિલ્વર મેડલ મેળવી પોતાની પ્રતિભાનો પરિચય આપ્યો હતો.
આ સિદ્ધિ બદલ DPS Bopalના સંચાલન, પ્રિન્સિપાલ, શિક્ષકો અને સહાધ્યાયીઓએ આશની મલ્હોત્રાને અભિનંદન પાઠવ્યા હતા. શાળાએ જણાવ્યું હતું કે આશનીની આ સફળતા અન્ય વિદ્યાર્થીઓ માટે પણ પ્રેરણારૂપ બનશે અને તેમને રમતગમત ક્ષેત્રે શ્રેષ્ઠ પ્રદર્શન કરવા માટે પ્રોત્સાહિત કરશે.
આશની મલ્હોત્રાની આ ઉપલબ્ધિ માત્ર વ્યક્તિગત સફળતા નથી, પરંતુ DPS Bopal માટે પણ ગૌરવની ક્ષણ છે. તેમની મહેનત અને સમર્પણથી ભવિષ્યમાં પણ તેઓ રાષ્ટ્રીય અને આંતરરાષ્ટ્રીય સ્તરે ગુજરાતનું નામ વધુ રોશન કરશે તેવી આશા વ્યક્ત કરવામાં આવી છે.
