Adah Sharma Pregnancy Truth: બોલિવૂડ અભિનેત્રી અદા શર્મા સોશિયલ મીડિયા પર ખૂબ જ સક્રિય રહે છે. તે પોતાની અનોખી અને મજેદાર પોસ્ટ્સ દ્વારા અવારનવાર ચાહકોને આશ્ચર્યમાં મૂકી દે છે. તાજેતરમાં અભિનેત્રીએ એક એવો વીડિયો શેર કર્યો કે જેને જોઈને તેમના ફેન્સ ચોંકી ઉઠ્યા.
વીડિયોમાં અદા શર્મા કહેતી જોવા મળે છે કે તે ખૂબ જલ્દી મા બનવાની છે. અભિનેત્રીના મોઢેથી આ વાત સાંભળતા જ સોશિયલ મીડિયા પર ચર્ચાનો માહોલ સર્જાઈ ગયો. ઘણા લોકો વિચારવા લાગ્યા કે શું અદા કોઈ નવી ફિલ્મ કે વેબ સિરીઝમાં માતાનો રોલ કરવા જઈ રહી છે કે ખરેખર કોઈ સારા સમાચાર આપવા જઈ રહી છે.
પોતાની ફિલ્મ The Kerala Story દ્વારા ચર્ચામાં રહેલી અદા શર્માએ આ વીડિયોમાં થોડા સમય સુધી સસ્પેન્સ જાળવી રાખ્યું. જોકે બાદમાં તેમણે પોતે જ સમગ્ર મામલાનો ખુલાસો કરી દીધો.
View this post on Instagram
અદા મજાકિયા અંદાજમાં કહે છે, “હું મા બનવાની છું… પરંતુ સાવકી મા.” ત્યારબાદ તે કેમેરો ફેરવીને એક કાગડો અને તેની સાથી તરફ બતાવે છે. અભિનેત્રી હસતા હસતા જણાવે છે કે આ કાગડાના પરિવારમાં નવું બચ્ચું આવ્યું છે અને હવે તે તેની “સાવકી મા” બની ગઈ છે.
અદાએ વધુમાં ચાહકોને વચન આપ્યું કે તે આ કાગડા પરિવારની આગામી અપડેટ પણ એક અઠવાડિયા બાદ શેર કરશે. અભિનેત્રીનો આ મજેદાર વીડિયો સોશિયલ મીડિયા પર ઝડપથી વાયરલ થઈ રહ્યો છે અને ચાહકો તેની રમૂજી શૈલીની પ્રશંસા કરી રહ્યા છે.
