ભારતીય ઓટો ઇન્ડસ્ટ્રી હવે માત્ર ડોમેસ્ટિક માર્કેટ જ નહીં, પરંતુ વિદેશી માર્કેટમાં પણ પોતાની ધાક જમાવી રહ્યું છે. ચાલુ નાણાકીય વર્ષના પહેલા છ મહિનામાં ભારતીય કારોની નિકાસ રેકોર્ડ સ્તરે પહોંચી ગઈ છે. એપ્રિલથી સપ્ટેમ્બર 2025 વચ્ચે દેશમાંથી કુલ 4, 45, 884 વાહનોની વિદેશમાં નિકાસ કરવામાં આવી, જે ગત વર્ષે આ સમયે 3, 76, 679 હતી. એટલે કે નિકાસમાં આશરે 18 ટકા વધારો થયો છે.
કઈ કંપનીની સૌથી વધુ માંગ?
આ વૃદ્ધિમાં સૌથી મોટો ફાળો મારુતિ સુઝુકી ઈન્ડિયાનો રહ્યો, જેણે 2,05,763 વાહનો વિદેશમાં મોકલ્યા — જે ગયા વર્ષની સરખામણીએ 40 ટકા વધારે છે. મારુતિ સુઝુકીની આ નિકાસ વૃદ્ધિ બતાવે છે કે, ભારતીય કારોની ગુણવત્તા અને વિશ્વસનીય તકનીક વિદેશી ગ્રાહકોને કેટલી આકર્ષિત કરે છે.
તે સિવાય, અન્ય કંપનીઓએ પણ સારું પ્રદર્શન કર્યું
હ્યુન્ડાઈ ઈન્ડિયા: 17% વૃદ્ધિ સાથે 99,540 કારો
નિસાન ઈન્ડિયા: 37,605 કારો
ફોક્સવેગન: 28,011 કારો
ટોયોટા: 18,880 કારો
કિયા: 13,666 કારો
હોન્ડા: 13,243 કારો
કંપની અને કેટેગરી મુજબ પણ નિકાસમાં સારો વધારો નોંધાયો છે.
પેસેન્જર કારની નિકાસ 12% વધીને 2,29,281 યુનિટ થઈ
યૂટિલિટી વાહનોની નિકાસ 26% વધીને 2,11,373 યુનિટ થઈ
વેનની નિકાસ સૌથી વધુ — 36.5% વધીને 5,230 યુનિટ થઈ
ભારતીય કારોની લોકપ્રિયતા કેમ વધી રહી છે?
ભારતીય કારોની વધતી લોકપ્રિયતાનું સૌથી મોટું કારણ છે પશ્ચિમ એશિયા અને લેટિન અમેરિકા જેવા દેશોમાં વધતી માંગ. આ વખતે ભારતે કુલ 24 દેશોમાં નિકાસમાં વધારો કર્યો છે. તેમાં દક્ષિણ કોરિયા, યુએઈ, જર્મની, ટોગો, ઇજિપ્ત, વિયેતનામ, ઇરાક, મેક્સિકો, રશિયા, કેન્યા, નાઇજીરિયા, કેનેડા, પોલેન્ડ, શ્રીલંકા, ઓમાન, થાઈલેન્ડ, બાંગ્લાદેશ, બ્રાઝિલ, બેલ્જિયમ, ઇટાલી અને તાન્ઝાનિયા જેવા દેશો સામેલ છે.
જો કે, અમેરિકામાં નિકાસમાં થોડી ઘટાડો જોવા મળ્યો, કારણ કે ત્યાંના ઉચ્ચ શુલ્ક (હાઈ ફી)ને કારણે માર્કેટ પર અસર થઈ.
વિશેષજ્ઞોના કહેવા મુજબ, ભારતીય કારોની વધતી લોકપ્રિયતા ફક્ત કંપનીઓ માટે ફાયદાકારક નથી, પણ તે દેશની ઓટો ઈન્ડસ્ટ્રીની વિશ્વસનીયતા અને બ્રાન્ડ વેલ્યુને પણ મજબૂત બનાવે છે. મારુતિ સુઝુકી, હ્યુન્ડાઈ અને અન્ય કંપનીઓની નિકાસ વ્યૂહરચનાએ ભારતીય વાહનોને ગ્લોબલ માર્કેટમાં મજબૂત સ્થાન અપાવ્યું છે.
