સિંગાપુર : આનંતરરાષ્ટ્રીય સ્તરે ફરી એકવાર કોરોના વાયરસે માથું ઊંચક્યું છે, મીડિયા સૂત્રોમાં પ્રકાશિત થયેલા એક રિપોર્ટથી જાણવા મળે છે કે સિંગાપોર-હોંગકોંગ સહિત આસપાસના અનેક વિસ્તારોમાં ફરી એકવાર કોરોનાના કેસ વધવા લાગ્યા છે. અહીંના સ્વાસ્થ્ય અધિકારીઓએ લોકોને ચેતવણી આપી છે કે, સંક્રમણથી બચીને રહેવા માટે ફરી એકવાર જરૂરી ઉપાય શરુ કરી દે.
જાહેર કરાયેલા આંકડાથી જાણી શકાય છે કે, એશિયન દેશોમાં ફરી કોરોનાના કેસ ચર્ચામાં છે. સિંગાપોર-હોંગકોંગમાં ન માત્ર સંક્રમણમાં વૃદ્ધિ જાેવા મળી છે, પરંતુ અહીં હૉસ્પિટલમાં દાખલ થનારા લોકોની સંખ્યામાં પણ વધારો જાેવા મળ્યો છે.
સેન્ટર ફોર હેલ્થ પ્રોટેક્શનમાં કમ્યુનિકેબલ ડિઝીઝના પ્રમુખ આલ્બર્ટ ઔએ જણાવ્યું કે, અહીં વાયરસની ગતિવિધિ ઘણી વધારે છે. ૩ મેના રોજ સમાપ્ત થયેલા અઠવાડિયામાં ગંભીર કેસ સહિત કોરોનાથી મોતના આંકડા એક વર્ષના સર્વોચ્ચ (૩૧ સુધી) પહોંચી ગયા છે.
આ દેશોમાં વધતા કોરોનાના જાેખમોમાં કેટલાક સવાલો ઊભા કરી દેવાયા છે, શું કોરોનાનો ફરીથી કોઈ નવો વેરિયન્ટ સામે આવી ગયો છે? શું ફરી તમામ લોકોએ ઍલર્ટ થઈ જવું જાેઈએ? આવો સમજીએ.
મહત્વનું છે કે, છેલ્લા એક વર્ષમાં આ પહેલી વાર સિંગાપોરના સ્વાસ્થ્ય મંત્રાલયે ઔપચારિક કોવિડ રિપોર્ટ અપડેટ બહાર પાડ્યું છે, જેમાં માત્ર એક અઠવાડિયામાં કેસોમાં ૨૮%નો વધારો નોંધવામાં આવ્યો છે, જેનાથી સંક્રમણની કુલ સંખ્યા ૧૪,૨૦૦ થઈ ગઈ છે. એટલું જ નહીં, હૉસ્પિટલમાં દાખલ લોકોની સંખ્યામાં પણ લગભગ ૩૦ ટકાનો વધારો થયો છે.
અહીં એ નોંધનીય છે કે કોરોનાના કેસોમાં વધારો ફક્ત એશિયન દેશો પૂરતો મર્યાદિત નથી, છેલ્લા કેટલાક અઠવાડિયાથી અમેરિકાના ઘણા ભાગોમાં પણ સંક્રમણના કેસોમાં વધારો જાેવા મળી રહ્યો હતો, જાેકે હવે તેમાં ઘણો સુધારો જાેવા મળી રહ્યો છે.
યુએસ ઇમરજન્સી ડિપાર્ટમેન્ટ તરફથી મળેલી માહિતી અનુસાર, ગયા અઠવાડિયે અહીં ઇમરજન્સી વિભાગમાં આવતા લોકોની સંખ્યામાં ૧૯.૫%નો ઘટાડો થયો છે.
તે પણ જાણવું જરૂરી છે કે, દુનિયાના ઘણા ભાગોમાં કોરોનાના કેસોમાં તાજેતરમાં થયેલા વધારાથી લોકોના મનમાં પ્રશ્નો ઊભા થયા છે કે શું વાયરસનો કોઈ નવો વેરિયન્ટ આવી ગયો છે?
જ્યારે સિંગાપોરના સ્વાસ્થ્ય અધિકારીઓએ વધતા કેસ માટે કોઈ નવા વેરિયન્ટને જવાબદાર નથી ગણાવ્યો, પરંતુ સ્વાસ્થ્ય નિષ્ણાતો સૂચવે છે કે રોગપ્રતિકારક શક્તિમાં ઘટાડો થવાને કારણે વાયરસ વધુ સરળતાથી ફેલાઈ રહ્યો છે.
ત્યારે યુ.એસ.માં નેબ્રાસ્કા મેડિસિનના ચેપી રોગના નિષ્ણાત ડૉ. માર્ક. ઇ. રપ કહે છે કે હાલમાં યુ.એસ. સહિત વિશ્વના ઘણા ભાગોમાં સૌથી પ્રખ્યાત વેરિયન્ટ ન્ઁ.૮.૧ છે, જે ૭૦% કેસ માટે જવાબદાર છે. બીજા ક્રમે ઠહ્લઝ્ર છે જેમાં ૯% કેસ છે. ઓમિક્રોનનો મૂળ પ્રકાર હવે લગભગ લુપ્ત થઈ ગયો છે અને હાલમાં તેના પેટા પ્રકારોના જ કેસ જાેવા મળી રહ્યા છે.
