મુંબઈ : બોર્ડર-ગાવસ્કર ટ્રોફીની ત્રીજી મેચની વાત કરીએ તો બ્રિસ્બેનના ગાબા સ્ટેડિયમમાં આ મેચ રમાઈ રહી છે. બીજા દિવસની રમત પૂર્ણ થઈ ચૂકી છે. ઓસ્ટ્રેલિયાએ 101 ઓવરમાં 7 વિકેટના નુકસાન પર 405 રન બનાવ્યા છે. ટ્રેવિસ હેડે 151 રન અને સ્ટીવ સ્મિથે 101 રનની ઈનિગ્સ રમી છે. બુમરાહે સૌથી વધારે 5 વિકેટ લીધી છે. ભારતના ફાસ્ટ બોલર જસપ્રીત બુમરાહે ટેસ્ટ ક્રિકેટમાં એક મોટી સફળતા પોતાને નામ કરી છે. ઓસ્ટ્રેલિયા વિરુદ્ધ બ્રિસબેનના ગાબાના મેદાનમાં રમાયેલી 5 મેચની ટેસ્ટ સીરિઝની ત્રીજી મેચના બીજા દિવસે 5 વિકેટ લઈ ઈતિહાસ રચ્યો છે. ભારતના વાઈસ કેપ્ટને ઓસ્ટ્રેલિયાની પ્રથમ ઇનિંગ દરમિયાન ત્રીજા સેશનમાં નવા બોલથી કાંગારૂઓને હંફાવી દીધા હતા. તેમણે આ ટેસ્ટ સીરિઝમાં બીજી વખત 5 વિકેટ લીધી છે. બુમરાહ સાઉથ આફ્રિકા, ઈંગ્લેન્ડ, ન્યુઝીલેન્ડ અને ઓસ્ટ્રેલિયામાં સૌથી વધુ 5 વિકેટ લેનાર પ્રથમ ભારતીય ફાસ્ટ બોલર બની ગયો છે.
આ દેશોમાં સૌથી વધુ 5 વિકેટ હોલ લેનારા ભારતીય ફાસ્ટ બોલરનું લિસ્ટ જોઈએ તો, 8 વખત જસપ્રીત બુમરાહ, 7 વખત કપિલ દેવ, 6 વખત ઝહીર ખાન, 6 વખત ચંદ્રશેખરનું નામ સામેલ છે. દેશોમાં સૌથી વધુ 5 વિકેટ લેનાર એશિયાઈ બોલરની વાત કરીએ તો, 11 વસીમ અકરમ, 10 મુત્થૈહ મુરલીધર, 8 ઈમરાન ખાન, 8 જસપ્રીત બુમરાહ અને 7 કપિલ દેવ. 44મી ટેસ્ટ મેચ રમી રહેલા બુમરાહે ઓસ્ટ્રેલિયાને પહેલી ઈનિગ્સમાં ઉસ્માન ખ્વાજા, નાથન, મેકસવીની, સ્ટીવ સ્મિથ, ટ્રેવિસ હેડ અને મિચેલ માર્શને આઉટ કર્યા હતા. બુમરાહે આ સીરિઝમાં 4 ઈનિગ્સમાં ત્રીજી વખત સ્મિથને આઉટ કર્યો છે. બુમરાહે પોતાના ટેસ્ટ કરિયરમાં અત્યારસુધી કુલ 12 વખત અને ઓસ્ટ્રેલિયા વિરુદ્ધ ત્રીજી વખત 5 વિકેટ હોલ લીધી છે. ઓસ્ટ્રેલિયા વિરુદ્ધ ત્રીજી ટેસ્ટના બીજા દિવસે 5 વિરેટ લેતાની સાથએ બુમરાહે ટેસ્ટ ક્રિકેટમાં એક નવો ઈતિહાસ રચી દીધો છે.
