અમદાવાદ : નિર્માતા-નિર્દેશક રજની આચાર્ય કે જેમણે અગાઉ તેમની વ્યાપકપણે ચર્ચામાં આવેલી ફિલ્મોગ્રાફી “દાસ્તાન એ રફી”થી લોકોને આશ્ચર્યચકિત કરી દીધા હતા તેઓ હવે પ્રખ્યાત ગીતકાર અને સંગીતકાર પદ્મશ્રી અવિનાશ વ્યાસ પરની તેમની લાઈફોગ્રાફી ફિલ્મ “સૂર શબ્દનું સરનામું” સાથે તૈયાર છે, પદ્મશ્રી અવિનાશ વ્યાસ કે જેઓ એ ગુજરાતી તેમજ હિન્દી ફિલ્મોમાં ઘણું કામ કર્યું છે અને ગુજરાતના હજારિકા તરીકે ઓળખાય છે. પદ્મશ્રી અવિનાશ વ્યાસ પર બનેલી લાઈફોગ્રાફી “સૂર શબ્દનુ સરનામુ” 8 નવેમ્બરે શેમારૂ મી ઓટીટી પ્લેટફોર્મ પર રિલીઝ થશે. આ લાઈફોગ્રાફી ખાસ અમદાવાદમાં ભવન્સ કોલેજના વિદ્યાર્થીઓને બતાવવામાં આવી હતી.
રજની આચાર્ય એ જણાવ્યું કે, “તેમણે સૌથી પહેલાં અવિનાશ વ્યાસની જીવન કથની લખવાનું નક્કી કર્યું, કારણકે તેઓ જ્યારે મોહમ્મદ રફીની લાઈફોગ્રાફી ફિલ્મ બનાવી રહ્યાં હતા ત્યારે દિગવંત ઉમર કોલસાવાલાએ તેમને અવિનાશ વ્યાસ પર એક ફિલ્મ બનાવવાનો સુઝાવ આપ્યો અને તેમના દીકરા ગૌરાંગ વ્યાસ સાથે મળાવ્યા કે જેમણે તેમના પિતા પર આ લાઈફોગ્રાફીના નિર્માણમાં મને સંપૂર્ણ સહયોગ આપ્યો.” રજની કહે છ એકે, “હું પોતાને સૌભાગ્યશાળી માનું છું કે મને અવિનાશ વ્યાસજી પર લાઈફોગ્રાફી બનાવવાની તક મળી, જેમના માટે ગીતા દત્ત, લતાજી, આશા ભોંસલે, રફી, મન્ના ડે, મહેન્દ્ર કપૂર, મુકેશ, હેમંત કુમાર, કિશોર કુમાર અને ઉષા મંગેશકર જેવાં ઘણાં ગાયકોએ કામ કર્યું છે.”
તેઓ તેમની ફિલ્મને ડોક્યુમેન્ટરી નહીં પણ લાઈફોગ્રાફી કેમ કહે છે તે અંગે પૂછવામાં આવતા રજનીએ ભારપૂર્વક જણાવ્યું હતું કે, “તેમની ફિલ્મ માત્ર એક ડોક્યુમેન્ટરી નથી. “ડોક્યુમેન્ટરી અને લાઈફોગ્રાફી વચ્ચે ખૂબ જ પાતળી રેખા છે. મારી લાઇફગ્રાફીમાં અંગ્રેજીમાં સબટાઇટલ્સ પણ હશે કારણ કે મેં ઇન્ટરવ્યુ ગુજરાતી અને હિન્દીમાં કર્યા છે. આ બે કલાક લાંબુ ડોક્યુમેન્ટેનશન છે. જો કે આ એન્કર આધારિત પ્રોગ્રામ નથી. મેં અવિનાશજીના જન્મથી લઈને તેમના મૃત્યુ સુધીના જીવનને બતાવવાનો એક નાનકડો પ્રયાસ કર્યો છે.”
“અવિનાશજીએ હિન્દી તેમજ ગુજરાતી ફિલ્મોમાં 1200 થી વધુ ગીતોની રચના કરી હતી જેમાં દેખ તેરે સંસાર કી હાલાત, તેરે દ્વાર ખડા એક જોગી વગેરેનો સમાવેશ થાય છે. મારી ફિલ્મ 80% ડોક્યુમેન્ટરી છે અને મેં મારી ફિલ્મને રસપ્રદ અને મનોરંજક બનાવવા માટે ગીતો ઉમેરવાની 20% સ્વતંત્રતા લીધી છે. જોકે અવિનાશજી એ ઘણા લોકગીતો આલેખ્યા છે અને તેઓ ગુજરાતના હઝારિકા તરીકે જાણીતા છે, કમનસીબે તેમને તેમની ક્ષમતા માટે યોગ્ય રાષ્ટ્રીય માન્યતા મળી નથી. વિનય પટેલ સહ-નિર્દેશક અને સંપાદક છે, અને પ્રકાશ કાર્લેકર મારી ફિલ્મ તથા તક્ષશિલા મલ્ટીમીડિયા પ્રોડક્શનના કેમેરામેન છે.”
રજની કહે છે કે તેઓ સંગીત પર ઘણો ભાર મૂકે છે. “દાસ્તાન એ રફી” મારા માટે પ્રમુખ ફિલ્મ હતી. આ ફિલ્મે મને ઘણો એક્સપોઝર આપ્યો કારણ કે બે કરોડથી વધુ લોકોએ તેને જોઈ છે અને તે મારા માટે એક મોટી ઉપલબ્ધિ છે. ભારતમાં, સંગીત દરેકના લોહીમાં છે અને તેથી તમે સંગીત વિના કંઈ કરી શકતા નથી. મારી ફિલ્મ દાસ્તાન એ રફી એક મોટી સક્સેસ સ્ટોરી હતી.
“આ માસના ગીત” કાર્યક્રમ દરમિયાન ભવન્સ ખાતે આશા ભોંસલે, ઉષા મંગેશકર અને મીના મંગેશકર વગેરે ખ્યાતનામ સિંગર્સે ગીતો ગાયા અને ત્યારબાદ અવિનાશ વ્યાસજીની લાઈફોગ્રાફી પર કામ શરૂ કર્યું.
રજનીભાઈએ જણાવ્યું કે, “લાઈફોગ્રાફી ફિલ્મ (ડોક્યુમેન્ટરી) માટે મોટાભાગે કોઈ ખરીદનાર હોતા નથી. મને આ ફિલ્મ બનાવવા માટે 25 લાખ રૂપિયાથી વધુનો ખર્ચ થયો છે કારણ કે તેને બનાવવામાં લગભગ ચાર વર્ષ લાગ્યા છે. હું ભાગ્યશાળી હતો કે શેમારૂ ભારત અને આંતરરાષ્ટ્રીય બજારમાં શેમારૂ મી ઓટીટી પ્લેટફોર્મ, DTH, ડિજિટલ મીડિયા પર રિલીઝ કરવા આગળ આવ્યું.”
પદ્મશ્રી અવિનાશ વ્યાસ પર બનેલી લાઈફોગ્રાફી “સૂર શબ્દનું સરનામુ” 8 નવેમ્બરે રિલીઝ થશે. આ લાઈફોગ્રાફીનું શૂટિંગ મુંબઈ, મહુઆ, પોરબંદર અને અમદાવાદ ખાતે કરાયું છે. અંકિત ત્રિવેદીએલાઈફોગ્રાફી એન્કર કરી છે. “સૂર શબ્દનું સરનામુ”નું ટ્રેલર ટાઈમ સ્કવેર સ્ક્રીન, ન્યૂયોર્ક, યુએસએ ખાતે લોન્ચ પણ કરશે. 30 સેલિબ્રિટીઓએ સ્વેચ્છાએ આ લાઈફોગ્રાફી માટે તેમના અનુભવો શેર કર્યા છે. વાર્તા અવિનાશ વ્યાસજીના 15 સેકન્ડના લોકપ્રિય 30 ગીતો (કોપીરાઈટ સાથે) સાથે પૂરક બનાવવામાં આવી છે.
