બે પત્નીઓ વાળો ફેમસ યુટ્યુબર અરમાન મલિક થોડા સમય પહેલા જ ફરી એકવાર ત્રણ બાળકોનો પિતા બન્યો છે. હાલમાં જ અરમાનની પહેલી પત્ની પાયલે જોડિયા બાળકોને જન્મ આપ્યો હતો. તે જ સમયે, પાયલ પહેલા બીજી પત્ની કૃતિકાએ પણ એક પુત્રને જન્મ આપ્યો હતો. ત્રણ બાળકોના આગમન બાદ ફરી એકવાર મલિક પરિવારમાં હલચલ વધી ગઈ છે. જ્યાં ફેન્સ તેમના બાળકોના આગમનથી ખુશ છે. તે જ સમયે, કેટલાક લોકોએ તેને બાળકોના નામ મુસ્લિમ રાખવાના કારણે ટ્રોલ કર્યો છે. હકીકતમાં, તેણે કૃતિકાના પુત્રનું નામ ઝૈદ રાખ્યું, જ્યારે પાયલના જોડિયાનું નામ તુબા અને અયાન રાખ્યું. આ નામો બાદ સોશિયલ મીડિયા પર ભારે હોબાળો થયો હતો. ટ્રોલ્સે સવાલો ઉઠાવવાનું શરૂ કરી દીધું હતું કે ‘હિંદુ બાળકોને મુસ્લિમ નામ શા માટે રાખવામાં આવ્યા છે?’ જોકે, સોશિયલ મીડિયા પર હંગામો થયા બાદ મલિક પરિવારે તેમના બાળકોના નામ બદલી નાખ્યા છે.
યુટ્યુબર અરમાન મલિક અને તેની બંને પત્નીઓએ હવે તેમના ત્રણેય બાળકોના નામ હિન્દુ રાખવાનો ર્નિણય લીધો છે. થોડા સમય પહેલા જ તેણે ફેન્સ પાસેથી સજેશન્સ પણ માંગ્યા હતા. જોકે, ભારે હંગામો થયા બાદ આખરે મલિક પરિવારે પોતાના બાળકોના નામ બદલી નાખ્યા છે. પહેલા અરમાન મલિકની બીજી પત્નીના પુત્રનું નામ ઝૈદ અને પાયલના જોડિયા બાળકોનું નામ તુબા રાખવામાં આવ્યું હતું. આ બંને નામોને લઈને તેને સોશિયલ મીડિયા પર ઘણી ખરી-ખોટી સાંભળવા મળી. લોકોની ફરિયાદ હતી કે હિન્દુ હોવા છતાં બાળકોના મુસ્લિમ નામ કેમ રાખવામાં આવ્યા છે? શું હિન્દુ નામો સારા નથી હોતા? મલિક પરિવારે હવે સોશિયલ મીડિયા પર ઉઠેલી લોકોની આ ફરિયાદને દૂર કરી છે અને ર્નિણય લીધો છે કે તેઓ તેમના બાળકોના નામ બદલી નાંખશે.
યુટ્યુબરની પહેલી પત્ની પાયલ મલિકે લેટેસ્ટ બ્લોગમાં બાળકોના નામ બદલવાની જાણકારી આપી છે. તેણે કહ્યું કે રાશિ પ્રમાણે ત્રણેય નવજાત બાળકોના નામ રાખવામાં આવશે. બ્લોગમાં પાયલ કોલ પર અરમાન મલિકને કહેતી જોવા મળે છે કે તેણે બાળકોનું નવું નામકરણ કર્યુ છે. પાયલ કહે છે કે ઝૈદનું નામ પ અક્ષર પરથી પાડવામાં આવશે અને તેનું નામ ‘પાર્થ’ રાખવામાં આવશે. અરમાન તરત જ કહે છે કે ઝૈદનું નામ ‘પૃથ્વી’ હશે. બીજી તરફ, પાયલ અરમાનને કહે છે કે તુબાનું નામ હિંદુ રાશિ પ્રમાણે ક અક્ષર પરથી પાડવા આવશે અને તેઓએ કિયારા અથવા કાશવીમાંથી એક નામ ફાઇનલ કરવાનું છે. અરમાને તુબાનું નામ કિયારા તરીકે ફાઈનલ કર્યું. હવેથી તુબાને કિયારા અને ઝૈદને પૃથ્વી નામથી બોલાવવામાં આવશે.
