સલમાન ખાનની રેસ-થ્રી ૧૫ જૂનના રોજ રિલીઝ થઇ રહી છે. સલ્લુ ભાઇની ફિલ્મ ઇદ પર ધૂમ મચાવવા રેડી છે. આ ફિલ્મની રિલીઝ બાદ સલમાન ખાન દબંગ-૩ અને ભારતની શૂટિંગમાં વ્યસ્ત થઇ જશે. દબંગ સિરીઝ સલમાન ખાનની સફળ સિરીઝમાંની એક સિરીઝ છે. ત્યારે દબંગ-૩ની સ્ટોરી વિષે ખુલાસો થયો છે. દબંગ-૩માં સલમાન ચુલબુલ પાંડે નહી પરંતુ એક રિયલ વ્યક્તિનું પાત્ર ભજવશે.
દબંગ અને દબંગ-૨માં સલમાને કાનપૂરના ચુલબુલ પાંડેનુ કેરેક્ટર ભજવ્યુ હતુ. ડેક્કન ક્રોનિકલના રિપોર્ટ મુજબ સલમાન ખાન રિયલ પોલીસવાળાનો રોલ કરશે. આ પોલીસવાળો કોણ છે તેનો ખુલાસો હજૂ થયો નથી. નોઇડામાં પોસ્ટેડ એક પોલીસવાળાએ મોટા મોટા નેતાઓના પરસેવા છોડાવી દીધા હતા. તે પોલીસવાળાના કિસ્સા અખબારે પણ ચડી ચૂક્યા છે. આ જ વ્યક્તિથી સલમાન ખાનનું કેરેક્ટર ઇન્સપાયર હશે.
દબંગના રાઇટરે જ્યારે આ સ્ટોરી સલમાન ખાનને સંભળાવી ત્યારે સલમાન ખાને તરત જ લીલી ઝંડી આપી દીધી હતી. રિયલ લાઇફની આ સ્ટોરીમાં રીલ લાઇફનો ભરપૂર તડકો લાગશે ત્યારે ફિલ્મ જોવાની મજા આવશે. દબંગ-૩ની દર્શકો ખૂબ આતુરતાથી રાહ જોઇ રહ્યાં છે.
