અમદાવાદમાં ‘લલકાર ન્યૂઝ’નો ‘ગરબો’ મહોત્સવ ભવ્યતાથી સંપન્ન, રાજકીય અગ્રણીઓ અને જાણીતા કલાકારો રહ્યા ઉપસ્થિત

હજારો ખેલૈયાઓએ મોડી રાત સુધી ગરબાની રમઝટ બોલાવી; પોલીસ અને વહીવટી અધિકારીઓની ઉપસ્થિતિએ કાર્યક્રમની શોભા વધારી

અમદાવાદ: અમદાવાદના ઓગણજ નજીક ‘લલકાર ન્યૂઝ’ દ્વારા આયોજિત નવરાત્રિ મહોત્સવ ‘ગરબો’ ભવ્યતા અને ઉત્સાહભેર સંપન્ન થયો હતો. પરંપરાગત ગુજરાતી સંસ્કૃતિ અને આધુનિક સંગીતના સુભગ સમન્વય સાથે યોજાયેલા આ મહોત્સવમાં હજારો ખેલૈયાઓએ મોડી રાત સુધી ગરબે ઘૂમીને માતાજીની આરાધના કરી હતી. કાર્યક્રમમાં રાજકીય અગ્રણીઓ, ઉચ્ચ પોલીસ અને વહીવટી અધિકારીઓ તેમજ ગુજરાતી સિનેમા અને સંગીત જગતની જાણીતી હસ્તીઓએ ઉપસ્થિત રહી મહોત્સવની શોભામાં વધારો કર્યો હતો.

રાજકીય અગ્રણીઓની વિશેષ ઉપસ્થિતિ

‘ગરબો’ મહોત્સવમાં વિવિધ રાજકીય પક્ષોના આગેવાનો ઉપસ્થિત રહ્યા હતા. જેમાં પ્રદેશ ભાજપ મહામંત્રી પ્રશાંત કોરાટ, ગુજરાત પ્રદેશ કોંગ્રેસ પ્રમુખ અમિત ચાવડા, ધારાસભ્યો સી.જે. ચાવડા અને અલ્પેશ ઠાકોર, પૂર્વ પ્રદેશ ભાજપ મહામંત્રી પ્રદીપસિંહ વાઘેલા, ભાજપ પ્રવક્તા જયરાજસિંહ પરમાર, કોંગ્રેસના મુખ્ય પ્રવક્તા મનીષ દોશી, અમદાવાદ મહાનગરપાલિકાના સ્ટેન્ડિંગ કમિટી ચેરમેન કમલેશ પટેલ સહિતના અગ્રણીઓએ હાજરી આપી હતી.

આ ઉપરાંત અમરશી ખાંભલિયા, દિનેશ શર્મા, ડૉ. શ્રદ્ધા રાજપૂત, હેમાંગ રાવલ, હાર્દિકસિંહ ડોડિયા, ગુજરાત મહિલા કોંગ્રેસ પ્રમુખ સોનલબેન પટેલ, જયરાજ આહિર, રાકેશ પાઠક, નયન બ્રહ્મભટ્ટ અને ભાસ્કર ભટ્ટ સહિતના રાજકીય અને સામાજિક ક્ષેત્રના અગ્રણીઓ પણ ઉપસ્થિત રહ્યા હતા.

ઉચ્ચ પોલીસ અધિકારીઓએ પણ નોંધાવી હાજરી

કાર્યક્રમમાં અમદાવાદ શહેર પોલીસ કમિશનર અનુપમસિંહ ગેહલોત, સેક્ટર-1ના જેસીપી નીરજ બડગુજર, ઝોન-1ના ડીસીપી હર્ષદ પટેલ તેમજ એસીબીના જોઈન્ટ ડાયરેક્ટર પ્રવીણ માલ ઉપસ્થિત રહ્યા હતા.

મહોત્સવ દરમિયાન ખેલૈયાઓ અને મહેમાનોની સુવિધા માટે સુરક્ષા વ્યવસ્થા, વિશાળ પાર્કિંગ અને સુચારુ આયોજન પર વિશેષ ધ્યાન આપવામાં આવ્યું હતું.

ગુજરાતી ફિલ્મ અને સંગીત જગતના કલાકારોએ જમાવી રંગત

મહોત્સવમાં ગુજરાતી સિનેમાના જાણીતા કલાકાર હિતુ કનોડિયા, મોના થીબા અને મકરંદ શુક્લે હાજરી આપી હતી. જાણીતી ગાયિકા ફરીદા મીર અને ગાયક દેવ પગલીએ પણ પોતાની ઉપસ્થિતિથી કાર્યક્રમને સંગીતમય બનાવ્યો હતો.

કલાકારોના કંઠે પ્રાચીન અને અર્વાચીન ગરબાઓની રમઝટ વચ્ચે ખેલૈયાઓ ઉત્સાહપૂર્વક ગરબે ઘૂમ્યા હતા. ભક્તિ, સંગીત અને પરંપરાગત લોકસંસ્કૃતિના રંગોથી મહોત્સવનું વાતાવરણ જીવંત બન્યું હતું.

મીડિયા જગતના પ્રતિનિધિઓની હાજરી

આ પ્રસંગે ડિજિટલ મીડિયા અને પત્રકારત્વ જગતના પ્રતિનિધિઓ પણ ઉપસ્થિત રહ્યા હતા. ‘જમાવટ ન્યૂઝ’ તરફથી દેવાંશી જોષી તથા ‘ન્યૂઝ રૂમ’ તરફથી દિક્ષીત ઠકરાર અને કિસન કંતેલિયાએ કાર્યક્રમમાં હાજરી આપી હતી.

મહેમાનોનું સન્માન અને આભારવિધિ

‘લલકાર ન્યૂઝ’ પરિવાર દ્વારા કાર્યક્રમમાં ઉપસ્થિત મહેમાનોનું પુષ્પગુચ્છ અને સ્મૃતિચિહ્ન અર્પણ કરીને ભાવભીનું સ્વાગત કરવામાં આવ્યું હતું. સમગ્ર આયોજન દરમિયાન મહેમાનો અને ખેલૈયાઓ માટે જરૂરી સુવિધાઓ ઉપલબ્ધ કરાવવામાં આવી હતી.

મહોત્સવના સફળ સમાપન પ્રસંગે ‘લલકાર ન્યૂઝ’ પરિવાર વતી નરેન્દ્રસિંહ જાદવ, રીતેશ શાહ અને જિતુ બાંધણિયાએ ઉપસ્થિત મહાનુભાવો, કલાકારો, ખેલૈયાઓ, સહયોગીઓ અને પોલીસ પ્રશાસનનો આભાર વ્યક્ત કર્યો હતો.

તેમણે જણાવ્યું હતું કે સૌના સહકાર, સ્નેહ અને પ્રોત્સાહનને કારણે ‘ગરબો’ મહોત્સવને ભવ્ય સફળતા મળી છે. સાથે જ ભવિષ્યમાં પણ ગુજરાતના સાંસ્કૃતિક વારસાને ઉજાગર કરતા કાર્યક્રમોનું આયોજન કરીને લોકો સાથેનો સંપર્ક વધુ મજબૂત બનાવવાની પ્રતિબદ્ધતા વ્યક્ત કરી હતી.

આમ, ‘લલકાર ન્યૂઝ’નો ‘ગરબો’ મહોત્સવ ભક્તિ, સંગીત, પરંપરા અને સામાજિક એકતાના સંગમ સાથે સંપન્ન થયો હતો.