દરરોજ હજારો શ્રદ્ધાળુઓ લઈ રહ્યા છે મા દુર્ગાનાં દર્શન, કોલકાતાના કારીગરો દ્વારા તૈયાર કરાય છે માતાજીની પ્રતિમા
Ahmedabad : અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ ખાતે આવેલી એરપોર્ટ કોલોનીમાં આ વર્ષે પણ મા દુર્ગાની ભવ્ય પૂજાનું આયોજન કરવામાં આવ્યું છે. સતત 28 વર્ષથી યોજાતી આ દુર્ગા પૂજા શ્રદ્ધા, ભક્તિ અને સાંસ્કૃતિક પરંપરાનું પ્રતીક બની છે. નવરાત્રિ દરમિયાન મા દુર્ગાનાં દર્શન કરવા માટે દરરોજ હજારોની સંખ્યામાં શ્રદ્ધાળુઓ ઉમટી રહ્યા છે, જેના કારણે સમગ્ર વિસ્તારમાં ભક્તિમય માહોલ જોવા મળી રહ્યો છે.
સાર્વજનિક દુર્ગા પૂજા સમિતિ દ્વારા આયોજિત આ ઉત્સવમાં ધાર્મિક વિધિઓની સાથે બંગાળી સંસ્કૃતિની પણ સુંદર ઝલક જોવા મળે છે. માતાજીની ભવ્ય પ્રતિમા, પરંપરાગત પૂજા-અર્ચના અને વાદ્યયંત્રોના મધુર નાદથી ઉત્સવનું વાતાવરણ ભક્તિમય બની રહ્યું છે.
કોલકાતાના કારીગરો તૈયાર કરે છે માતાજીની પ્રતિમા
દુર્ગા પૂજાના આયોજન અંગે સમિતિના સ્થાપક સભ્ય સુબ્રત સરકારે જણાવ્યું હતું કે એરપોર્ટ કોલોની ખાતે યોજાતી આ પૂજાનું વિશેષ મહત્ત્વ છે. આ ઉત્સવ અમદાવાદ ઉપરાંત અન્ય શહેરોના શ્રદ્ધાળુઓને પણ આકર્ષે છે. કોલકાતા અને ગોવા સહિતનાં શહેરોમાંથી પણ ભક્તો મા દુર્ગાના
