અમદાવાદના નારણપુરા વિસ્તારમાં આવેલી નવરંગ ઇંગ્લિશ મીડિયમ સ્કૂલમાં વિદ્યાર્થીઓ દ્વારા રક્ષાબંધન પર્વની આનંદ અને ઉત્સાહભેર ઉજવણી કરવામાં આવી હતી.
કાર્યક્રમ દરમિયાન શાળાની બાળાઓએ પરંપરાગત રીતે ભાઈઓની આરતી ઉતારી, કંકુ-તિલક કર્યું અને તેમના કાંડા પર રાખડી બાંધી હતી. બાળાઓએ ભાઈઓના દીર્ઘ આયુષ્ય, ઉત્તમ સ્વાસ્થ્ય અને જીવનમાં ઉત્તરોત્તર પ્રગતિ માટે મંગલકામનાઓ વ્યક્ત કરી હતી.
આ પ્રસંગે ભાઈઓએ પણ બહેનોની હંમેશા રક્ષા કરવાનું વચન આપી સ્નેહપૂર્વક ભેટ આપી હતી. સમગ્ર કાર્યક્રમ દરમિયાન શાળાનું વાતાવરણ પ્રેમ, સ્નેહ અને ભાઈ-બહેનના અતૂટ સંબંધની ભાવનાથી છલકાઈ ઉઠ્યું હતું.
