અમદાવાદ: ઇન્ડિયન પ્રીમિયર લીગ (IPL) 2026ની ફાઇનલમાં શુભમન ગિલની કેપ્ટન્સી હેઠળની Gujarat Titansને Royal Challengers Bengaluru સામે 5 વિકેટે હારનો સામનો કરવો પડ્યો. ટોસ હારીને પ્રથમ બેટિંગ કરવા ઉતરેલી ગુજરાત ટાઇટન્સે 156 રનનો ટાર્ગેટ આપ્યો હતો, જેને આરસીબીએ 18 ઓવરમાં જ હાંસલ કરી લીધો. ચાલો જાણીએ તે 5 મુખ્ય કારણો, જેના કારણે ગુજરાત ટાઇટન્સ ફાઇનલમાં પરાજિત થઈ.
1. બંને ઇન-ફોર્મ ઓપનર્સ નિષ્ફળ રહ્યા
ફાઇનલ જેવી મહત્વની મેચમાં ગુજરાતના બંને ઓપનર્સ Shubman Gill અને Sai Sudharsan સસ્તામાં આઉટ થઈ ગયા. ગિલ માત્ર 10 અને સાઈ સુદર્શન 12 રન બનાવી શક્યા. પરિણામે ટીમને મજબૂત શરૂઆત મળી નહોતી.
2. મિડલ અને લોઅર ઓર્ડરનું સંપૂર્ણ પતન
મિડલ અને લોઅર ઓર્ડરમાં Washington Sundar સિવાય કોઈ બેટ્સમેન અસરકારક પ્રદર્શન કરી શક્યો નહોતો. Jos Buttler 23 બોલમાં માત્ર 19 રન બનાવી આઉટ થયો, જ્યારે Rahul Tewatia 7 રન જ બનાવી શક્યો. નિશાંત સિંધુ, અરશદ ખાન, Jason Holder અને Rashid Khan પણ બેટથી કોઈ ખાસ યોગદાન આપી શક્યા નહીં.
3. આરસીબીની શરૂઆતની વિકેટ લેવામાં નિષ્ફળતા
ગુજરાત ટાઇટન્સની બોલિંગની શરૂઆત પણ નબળી રહી. ટીમ શરૂઆતમાં વિકેટ લઈને આરસીબી પર દબાણ બનાવી શકી નહીં. આરસીબીની પહેલી વિકેટ 62 રન પર ચોથી ઓવરના ત્રીજા બોલે પડી. જો ગુજરાતે શરૂઆતમાં જ 2-3 વિકેટ ઝડપી લીધી હોત તો મેચનું ચિત્ર અલગ હોઈ શકતું.
4. સ્પિનરને સફળતા મળ્યા છતાં સુંદરને બોલિંગ ન આપવી
ગુજરાત માટે Rashid Khanએ શાનદાર બોલિંગ કરતાં 26 રનમાં 2 વિકેટ ઝડપી હતી. તેમ છતાં ટીમ મેનેજમેન્ટે Washington Sundarને એક પણ ઓવર બોલિંગ આપી નહીં. સ્પિન વિભાગમાં માત્ર રશીદ ખાન પર જ નિર્ભરતા રાખવી ટીમ માટે ભારે પડી.
5. જેસન હોલ્ડરનું નિરાશાજનક પ્રદર્શન
અનુભવી ઓલરાઉન્ડર Jason Holder ફાઇનલમાં બેટ અને બોલ બંનેથી નિષ્ફળ રહ્યા. સમગ્ર સીઝનમાં 17 વિકેટ લેનાર હોલ્ડરને ફાઇનલમાં એક પણ વિકેટ મળી નહીં. બેટિંગમાં પણ તેઓ માત્ર 7 રન બનાવી શક્યો, જે ટીમ માટે મોટો ઝટકો સાબિત થયો.
