બોલિવુડનો એનર્જેટિક સ્ટાર એટલે રણવીર સિંઘ. રણવીર સિંઘને નાનપણથી જ એક્ટર બનવાનો શોખ હતો. તેણે ભણતર પૂર્ણ કર્યા બાદ ઓડિશન આપવાના શરૂ કર્યા હતા. તેને નાની એડ માટે ઓફર પણ થઇ હતી, પરંતુ રણવીરને એક્ટર જ બનવુ હતુ જેથી તેણે રાહ જોવાનુ નક્કી કર્યુ. નાનપણમાં હિરો-હિરોઇનના ફેમસ ગીત પર ડાન્સ કરતો રણવીર બેંડ બાજા બારાત ફિલ્મ માટે ઓડિશન આપવા પહોંચી ગયો હતો. તેને આ ફિલ્મ માટે સિલેક્ટ કરી લેવામાં આવ્યો.
બેંડ બાજા બારાતમાં ધમાકેદાર પફોર્મન્સ આપ્યા બાદ તેને લેડિઝ વર્સીસ રિકી બહેલ મળી બાદમાં લૂટેરા. સંજય લીલા ભણસાલીની ફિલ્મ રામ લીલામાં રામ બન્યા બાદ તેને પોપ્યુલારિટી મળી અને લોકો તેના પાગલપનને પણ વખાણવા લાગ્યા. દર્શકોએ તેમ પણ કહ્યુ કે, 90ના દાયકામાં જેમ શાહરૂખ ખાનમાં એનર્જી જોવા મળતી હતી તેવી જ રીતે રણવીર સિંઘમાં પણ ભરપૂર એનર્જી છે.
સંજય લીલા ભણસાલી સાથે રણવીરે બાજીરાવ મસ્તાની ફિલ્મ કરી અને બાદમાં પદ્માવતમાં અલ્લાઉદ્દીન ખિલજીની ભૂમિકા ભજવીને રણવીરે દરેક લોકોના દિલમાં પોતાના માટે એક અલગ સ્થાન બનાવી લીધુ હતુ. જે લોકો રણવીરને પસંદ નહોતા કરતા તે લોકો તેના ડેડિકેશનના ફેન બની ગયા હતા. અલ્લાઉદ્દીનનો રોલ કરવા માટે રણવીરે પોતાની જાતને રૂમમાં બંધ કરી લીધો હતો. પોતે જાણે અલ્લાઉદ્દીન જ છે તેવી રીતે જ રહેતો હતો.
હવે એવી ચર્ચા છે કે રણવીર સિંધ અને દિપીકા પાદુકોણ નવેમ્બર 2018માં લગ્નના તાંતણે બંધાઇ જવાના છે. વેલ, હેપ્પી બર્થ ડે મોસ્ટ હેન્ડસમ મેન ઓફ ધ બોલિવુડ રણવીર સિંઘ..!!