કરણ જોહરની ફેમિલિ કલ્પના વાળી ફિલ્મ એટલે કભી ખુશી કભી ગમ, 17 વર્ષ પહેલા આ ફિલ્મે ખુબ ધૂમ મચાવી હતી. હવે આ જ ફિલ્મની રિમેક બનવા જઇ રહી છે. વાત તો એમ છે કે આ ફિલ્મની રિમેક મોટા પરદે નહી પરંતુ નાના પરદે બનશે. જી હાં, નાના પરદે બની રહેલી સિરીયલ દિલ હી તો હૈ માં કભી ખુશી કભી ગમની વાર્તા હશે.
સિરીયલની સ્ટાર-કાસ્ટની વાત કરીએ તો અમિતાભ બચ્ચનનો રોલ બિજોય આનંદ ભજવશે, જ્યારે કાજોલનો રોલ યોગીતા કરશે. કુછ રંગ પ્યાર કે એસે ભીની સોનાક્ષી એટલે કે એરિકા ફર્નાન્ડિઝને પૂજા એટલે કે કરીનાનો રોલ મળશે.
આ શોની ઓલમોસ્ટ સ્ટારકાસ્ટ નક્કી થઇ ગઇ છે. જોધા અકબર સિરીયલના રજત ટોકસને રાહુલ એટલે કે શાહરુખ ખાનના રોલ માટે પસંદ કરવામાં આવ્યો છે. જ્યારે વરુણ સૂદ રોહનની ભૂમિકા ભજવશે.
કભી ખુશી કભી ગમ એક એવા બાપ દિકરાની વાર્તા છે જેમાં મોટા દિકરાને એડોપ્ટ કરવામાં આવ્યો છે, અને બાદમાં તેને પોતાનો દિકરો પણ થાય છે. મોટો દિકરો પિતાની મરજી વિરુદ્ધ લગ્ન કરે છે અને દુર થઇ જોય છે, જ્યારે નાનો દિકરો બાપ અને દિકરાને એક કરવા માટેના તમામ પ્રયત્નો કરે છે. છેલ્લે બાપ-દિકરો એક થઇ જ જાય છે.
હવે આ શો બે મહિના બાદ ટેલિકાસ્ટ થશે. શો શરૂ થયા બાદ ખબર પડશે કે ફિલ્મ અને સિરીયલમાં કેટલી સમાનતા છે.