યુનિયન પબ્લિક સર્વિસ કમિશન (UPSC) દ્વારા આજે 6 માર્ચ, 2026ના રોજ સિવિલ સર્વિસીસ પરીક્ષા (CSE) 2025નું ફાઈનલ પરિણામ જાહેર કરવામાં આવ્યું છે. આ વર્ષે રાજસ્થાનના અનુજ અગ્નિહોત્રીએ પરીક્ષામાં 1st rank મેળવીને દેશભરમાં ટોપ કર્યું છે. તેઓએ AIIMS જોધપુરથી MBBSનો અભ્યાસ કર્યો અને પછી તેમણે સ્ટેથોસ્કોપ છોડીને બ્યુરોક્રેટ બનવાનો માર્ગ પસંદ કર્યો.
કોણ છે અનુજ અગ્નિહોત્રી?
અનુજ અગ્નિહોત્રી UPSC CSE 2025ના ટોપર છે. તેઓ રાજસ્થાનના ચિત્તોડગઢ જિલ્લાના રાવતભાટા ગામના રહેવાસી છે. તેમણે દેશની આ સૌથી અઘરી પરીક્ષામાં પ્રથમ સ્થાન મેળવ્યું છે અને આખા દેશમાં સૌથી વધારે માર્ક્સ મેળવ્યા છે. અનુજ અગ્નિહોત્રી ગ્રેજ્યુએશન કરવા માટે જોધપુર ચાલ્યા ગયા હતા.
MBBSની ડિગ્રી મેળવી શરૂ કરી તૈયારી
જ્યાં તેમણે AIIMSથી MBBSનો અભ્યાસ કર્યો. તેમણે 2023માં MBBSનો અભ્યાસ કર્યો હતો. તેમણે તેમની મેડિકલ ડિગ્રી પૂર્ણ કર્યા બાદ UPSCની તૈયારી કરી અને આ પ્રતિષ્ઠિત પરીક્ષામાં ટોપ કરીને એક નવું ઉદાહરણ બનાવ્યું છે. આપને જણાવી દઈએ કે, UPSCને ભારતની સૌથી અઘરી પરીક્ષાઓમાંથી એક માનવામાં આવે છે. દર વર્ષે લાખો ઉમેદવારોઓ આ પરીક્ષા આપે છે, પરંતુ અંતિમ તબક્કામાં માત્ર અમુક જ પહોંચી શકે છે. તેથી આ પરીક્ષામાં ટોપ કરવું ઘણી મોટી સિદ્ધી માનવામાં આવે છે.
