મુંબઈ : વિયેતજેટ એવિયેશન જોઈન્ટ સ્ટોક કંપની (HOSE: VJC) દ્વારા 2025ના ચોથા ત્રિમાસિક અને આખા વર્ષમાં મજબૂત મહેસૂલ અને નફામાં વૃદ્ધિ નોંધાવી છે, જે એરલાઈન્સની સાનુકૂળ અને અસરકારક સંચાલન ક્ષમતા અધોરેખિત કરે છે. તેના આંતરરાષ્ટ્રીય વૃદ્ધિ પર ભારના ભાગરૂપે એરલાઈને 2025માં બે નવા રુટ્સના લોન્ચ સાથે ભારતમાં તેની પહોંચ વિસ્તારી છે, જે ભારત અને વિયેતનામ વચ્ચે સીધી કનેક્ટિવિટીને ઓર બહેતર બનાવે છે અને લીઝર અને વેપાર પ્રવાસની વધતી માગણીને પહોંચી વળે છે. આ પરિણામો મહત્ત્વાકાંક્ષી વૈશ્વિક વૃદ્ધિની વ્યૂહરચનાઓ સાથે વિયેતજેટ 2026માં પ્રવેશી રહી છે ત્યારે તેને મજબૂત પાયો પૂરો પાડે છે.
અસરકારક કામગીરીથી નફામાં વૃદ્ધિની ગતિ ચાલુ રહી
તેનાં નાણાકીય નિવેદન અનુસાર વિયેતજેટ દ્વારા 2025ના ચોથા ત્રિમાસિકમાં VND 29.035 ટ્રિલિયન (આશરે US$1.11 અબજ)ની અલગ મહેસૂલ નોંધાવી, જે વર્ષ દર વર્ષ 47 ટકાનો વધારો દર્શાવે છે. આખા વર્ષ માટે અલગ મહેસૂલ VND 81.426 ટ્રિલિયન (આશરે US$3.13 અબજ) નોંધાવી, જે વર્ષ દર વર્ષ 14 ટકા વધી છે.
2025માં વિયેતજેટની એકીકૃત મહેસૂલ VND 82.093 ટ્રિલિયન (આશરે US$3.16 અબજ) રહી, જે વર્ષ દર વર્ષ 14 ટકા વધારો છે. એકીકૃત કર પૂર્વ અને કર પશ્ચાત નફો VND 2.630 ટ્રિલિયન (આશરેUS$ 101.3 મિલિયન) અને VND 2.123 ટ્રિલિયન (આશરે US$ 81.7 મિલિયન) સાથે અનુક્રમે 44.3 ટકા અને 51.2 ટકા નોંધાવ્યો અને વાર્ષિક નિયોજનના 120 ટકાથી પાર નીકળી ગયો છે.
વિસ્તારિત ફ્લાઈટ નેટવર્ક બજારમાં આગેવાની પ્રેરિત કરે છે
2025ના ચોથા ત્રિમાસિકમાં વિયેતજેટે 36,100 ફ્લાઈટ્સ થકી 6.7 મિલિયન પ્રવાસીઓને પ્રવાસ કરાવ્યો. આખા વર્ષ માટે એરલાઈને 1,53,000 ફ્લાઈટ્સમાં 28.2 મિલિયન પ્રવાસીઓને પ્રવાસ કરાવ્યો, જે અનુક્રમે 9 ટકા અને 11.2 ટકા વર્ષ દર વર્ષ વૃદ્ધિ દર્શાવે છે. કુલ કાર્ગો વોલ્યુમ 1,13,923 ટને પહોંચ્યું છે.
2025માં એરલાઈને 52 ડોમેસ્ટિક અને 202 ઈન્ટરનેશનલ સેવાઓ સાથે 254 રુટ્સ પર સંચાલન કર્યું અને હૈદરાબાદ અને બેન્ગલુરુથી હો ચી મિન્હ સિટી સુધી સીધી સેવાઓ સહિત વિયેતનામથી મુખ્ય સ્થળોને જોડતા 22 નવા રુટ્સ લોન્ચ કર્યા.
આંતરરાષ્ટ્રીય સહકાર અને લાંબા ગાળાના રોકાણોને મજબૂત બનાવે છે
2025ના ચોથા ત્રિમાસિકમાં 22 નવા એરક્રાફ્ટન ડિલિવરી સાથે વિયેતજેટની લાંબા ગાળાની રોકાણ વ્યૂહરચનામાં મોટું માઈલસ્ટોન પાર કર્યું છે, જે સ્થાપનાથી એરલાઈન્સના સૌથી વિશાળ ફ્લીટ વિસ્તરણને આલેખિત કરે છે. વર્ષ દરમિયાન વિયેતજેટ દ્વારા 92 ટ્રેન્ટ 7000 એન્જિન્સ માટે રોલ્સ-રોયસ સાથે અલગ કરાર અને US$3.8 અબજ મૂલ્યની વ્યાપક જાળવણી સેવાઓ સાથે 100 A321neo એરક્રાફ્ટ ખરીદી કરવા માટે એરબસ સાથે કરાર પર સહીસિક્કા કર્યા હતા.
ઈનોવેશન, ટેકનોલોજી અને વૈશ્વિક એવોર્ડસ થકી ગ્રાહક અનુભવનું મજબૂતીકરણ
