સોશિયલ મીડિયા પર એક ચોંકાવનારી ઘટના વાયરલ થઈ રહી છે, જેમાં એક મહિલાએ મોત પછીની દુનિયા જોઈને પરત આવવાનો દાવો કર્યો છે. બ્રિટનના ગ્લોસ્ટર શહેરની રહેવાસી વિક્યોરિયા થોમસ (હવે 41 વર્ષ)એ જણાવ્યું કે 35 વર્ષની ઉંમરે જિમમાં બૂટકેમ્પ ક્લાસ દરમિયાન તેમને અચાનક ચક્કર અને ભારે થાક અનુભવાયો.
તેમણે કહ્યું, “મેં મારા ટ્રેનરને કહ્યું કે મને સારું નથી લાગતું અને અચાનક હું જમીન પર પડી ગઈ.” તે ક્ષણે તેમનું હૃદય ધબકવાનું બંધ થઈ ગયું હતું અને તેમને કાર્ડિયાક અરેસ્ટ આવ્યો. પેરામેડિક્સે 17 મિનિટ સુધી CPR આપ્યું, પરંતુ ધબકારા આવતા નહોતો. તેને ક્લિનિકલી ડેડ જાહેર કરવામાં આવી. પરંતુ ત્યારબાદ ચમત્કારિક રીતે તેમનું હૃદય ફરી ધબકવા લાગ્યું. હવે તેણે આ 17 મિનિટના અનુભવ વિશે ખુલાસો કર્યો છે.
17 મિનિટમાં શું થયું?
વિક્ટોરિયાનું હૃદય 17 મિનિટ બાદ અચાનક ફરી ધબકવા લાગ્યું. The Mirror અને LADbibleને આપેલા ઈન્ટરવ્યૂમાં તેમણે જણાવ્યું: “બધું સંપૂર્ણ કાળું થઈ ગયું હતું. કંઈ જ નહોતું. પછી અચાનક મને લાગ્યું કે હું જિમની છત પાસે તરતી હતી. હું નીચે મારું શરીર જોઈ રહી હતી—જમીન પર પડેલું, આસપાસ લોકો અને પીળી મશીનો. હું બધું જોઈ રહી હતી, પણ મને કોઈ ડર નહોતો, કોઈ પ્રકાશ દેખાયો નહોતો, કોઈ શાંતિનો અનુભવ નહોતો. બસ, હું ઉપરથી બધું નિહાળી રહી હતી.”
આફ્ટર-ડેથ અનુભવ?
આ પ્રકારનો અનુભવ ‘આઉટ-ઓફ-બોડી એક્સપીરિયન્સ’ (OBE) તરીકે ઓળખાય છે, જે ઘણી વાર ‘નીયર-ડેથ એક્સપીરિયન્સ’ (NDE)માં નોંધાય છે. પરંતુ વિક્ટોરિયાના જણાવ્યા મુજબ, તેમનો અનુભવ શાંતિપૂર્ણ નહોતો; તે ડરાવનારો અને અજાણ્યો લાગતો હતો—જાણે તેઓ બીજી જ દુનિયામાં હોય.
પછી ડૉક્ટરોની તપાસમાં જાણવા મળ્યું કે તેમને ડેનન ડિસીઝ નામનો અત્યંત દુર્લભ જનેટિક રોગ હતો, જે હૃદય, માંસપેશીઓ અને લિવરને અસર કરે છે. વિશ્વમાં લગભગ 10 લાખમાં એક વ્યક્તિ આ રોગથી પીડાય છે. આ બીમારીના કારણે તેમનું હૃદય વારંવાર ફેલ થતું હતું. અનેક હાર્ટ ફેલિયર બાદ તેણે હાર્ટ ટ્રાન્સપ્લાન્ટ પણ કરાવ્યું. હાલમાં તેઓ સ્વસ્થ છે, એક સ્વસ્થ પુત્રની માતા છે અને ફરીથી ફિટનેસ તરફ વળી રહી છે.
