મુંબઇ : બોલિવુડની ખુબસુરત સ્ટાર અભિનેત્રી વાણી કપુર હાલમાં બે મોટા બજેટવાળી ફિલ્મ ધરાવે છે. જે પૈકી એક શમશેરા છે જેમાં તેની સાથે રણબીર કપુર અને બીજી ફિલ્મ રિતિક રોશન અને ટાઇગર શ્રોફની સાથે છે. જે ફિલ્મનુ નામ હજુ સુધી જાહેર કરવામાં આવ્યુ નથી. પ્રાપ્ત અહેવાલ મુજબ તે શમશેરા નામની ફિલ્મમાં રણબીર કપુર સાથે નજરે પડનાર છે. વાણી કપુરે કહ્યુ છે કે પાવર હાઉસ ઓફ ટેલેન્ટ એટલે કે રણબીર કપુર સાથે કામ કરવાની બાબત તેના માટે મોટી સિદ્ધી સમાન છે. રણબીરની ફિલ્મ સંજુ હાલમાં કમાણીના તમામ રેકોર્ડ તોડી ચુકી છે.
વાણી કપુરે કહ્યુ છે કે એક કલાકાર તરીકે રણબીર કપુર બોલિવુડમાં સૌથી કુશળ સ્ટાર પૈકી એક છે. તેનુ કહેવુ છે કે રણબીર એવા કલાકારો પૈકી છે જેની ફિલ્મો તે શરૂઆતથી જાતી રહી છે. વાણી કપુરે કહ્યુ છે કે આ પ્રશંસાની વાત છે કે કરણ જાહરે તેને ફિલ્મમાં રોલ કરવાની ઓફર કરી છે. શમશેરા એક ડ્રીમ પ્રોજેક્ટ છે.
ફિલ્મ શમશેરાનુ શુટિંગ હવે વર્ષ ૨૦૧૮ના અંતમાં શરૂ થશે અને વર્ષ ૨૦૧૯ સુધી ફિલ્મના શુટિંગને પૂર્ણ કરી લેવામાં આવ્યા બાદ ફિલ્મ રજૂ કરાશે. એક્શનથી ભરપુર આ ફિલ્મનુ નિર્દેશન કરણ મલહોત્રા કરનાર છે. સંજય દત્તની લાઇફ પર બનેલી સંજુ બોક્સ ઓફિસ પર સફળતાના નવા રેકોર્ડ સર્જી ચુકી છે. ૫૨૦ કરોડથી વધુની કમાણી તે ફિલ્મ કરી ચુકી છે. ઓલટાઇમ સૌથી વધારે કમાણી કરનાર ફિલ્મ તરીકે તે બની ગઇ છે. વાણી કપુર રિતિક રોશન અને ટાઇગર સાથેની પોતાની ફિલ્મને લઇને ઉત્સુક છે. તે મોટા બજેટની ફિલ્મ છે અને એકશનથી ભરપુર ફિલ્મ તરીકે રહેશે.
