ન્યુયોર્ક : ન્યુયોર્કમાં રમાઇ રહેલી યુએસ ઓપન ટેનિસ ચેમ્પિયનશીપમાં સ્ટાર ખેલાડીઓની આગેકુચ જારી રહી છે. પ્રથમ રાઉન્ડની મેચમાં પ્રથમ ક્રમાંકિત ખેલાડી નોવાક જાકોવિક અને રાફેલ નડાલે શાનદાર જીત મેળવી હતી. પ્રથમ રાઉન્ડની મેચ દરમિયાન બન્ને ખેલાડી સંપૂર્ણપણે ફિટ દેખાયા ન હતા છતાં જીત મેળવી આગેકુચ કરી ગયા હતા. . બીજી બાજુ રાફેલ નડાલ પણ સંપૂર્ણ ફિટ દેખાયો ન હતો. કારણ કે તે પણ તેની ક્ષમતા મુજબ રમી રહ્યો ન હતો.
મહિલાઓના વર્ગનાં પણ સ્ટાર ખેલાડી પોત પોતાની મેચ જીતીને બીજા રાઉન્ડ પ્રવેશી ગયા હતા. વર્તમાન ચેમ્પિયન નોવાજક જાકોવિક સિગલ્સ તાજને જાળવી રાખવા માટે તૈયાર છે. સેરેના હાર્ડ કોર્ટ પર રમાઇ રહેલી ચેમ્પિયનશીપને લઇને ઘરઆંગઁણે મહાન ટેનિસ ખેલાડી સ્ટેફી ગ્રાફના સૌથી વધારે ગ્રાન્ડ સ્લેમ સિગલ્સ તાજ જીતવાના રેકોર્ડને તોડી શકે છે કે કેમ તેના પર તમામની નજર રહેશે.યુએસ ઓપન ટેનિસ ચેમ્પિયશીપ ટેનિસમાં સૌથી જુની સ્પર્ધા પૈકીની એક છે. વર્ષ ૧૮૮૧માં તેની શરૂઆત થયા બાદથી દર વર્ષે આ ચેમ્પિયનશીપ યોજાય છે. વિશ્વમાં ચાર ગ્રાન્ડ સ્લેમ દર વર્ષે રમાય છે જે પૈકી યુએસ ઓપન પણ એક છે.
આ ચેમ્પિયનશીપ મુખ્યરીતે હાર્ડકોર્ટ પર રમાય છે. વર્ષ ૧૯૮૭ બાદથી યુએસ ઓપને સત્તાવાર રીતે ચોથી અને અંતિમ ગ્રાન્ડ સ્લેમ તરીકે જાહેર કરવામાં આવી હતી. અન્ય ત્રણ ગ્રાન્ડ સ્લેમમાં વિમ્બલ્ડન, ઓસ્ટ્રેલિયન ઓપન અનેફ્રેન્ચ ઓપનનો સમાવેશ થાય છે. યુએસ ઓપન સામાન્ય રીતે દર વર્ષે ઓગષ્ટના અંતિમ સપ્તાહમાં યોજાય છે. કેટલીક વખત સપ્ટેમ્બરના પ્રથમ બે સપ્તાહમાં પણ આનુ આયોજન કરવામાં આવે છે. આનો ઇતિહાસ ખુબ રોચક છે. સૌથી વધુ ટાઇટલ જીતવાનો રેકોર્ડ રોજર ફેડરર, જીમી કોનર્સ, પેટ સામ્પ્રસના નામ ઉપર છે. આ ત્રણેય ખેલાડીઓએ પુરુષ વર્ગમાં સિંગલ્સ સ્પર્ધા પાંચ-પાંચ વખત જીતી છે. જ્યારે મહિલા વર્ગમાં સેરેના વિલિયમ્સ અને ક્રિસ એવર્ટ છ-છ વખત સિંગલ્સ સ્પર્ધાનો તાજ જીતી શકી છે. આ વખતે પ્રથમ વખત ગ્રાન્ડસ્લેમમાં ઓનકોર્ટ ક્લોક પણ રહેશે.ઇલેક્ટ્રોનિક લાઇન કોલ રિવ્યુની શરૂઆત કરાઇ છે.
