Next T20 World Cup 2028: વર્ષ 2026ના ટી20 વર્લ્ડ કપમાં ભારતે ન્યૂઝીલેન્ડને હરાવીને ટ્રોફી પર કબ્જો કર્યો છે. ભારતે પહેલા બેટિંગ કરીને 255 રન બનાવ્યા હતા. ત્યારબાદ ન્યૂઝીલેન્ડની ટીમ માત્ર 159 રન બનાવી શકી હતી, જેના કારણે ભારતીય ટીમ 96 રનથી મેચ જીતવામાં સફળ રહી. આ ત્રીજી વખત છે જ્યારે ભારતે ICC Men’s T20 World Cup નો ખિતાબ પોતાના નામે કર્યો છે. આ જીત સાથે ભારતીય ટીમ વિશ્વની એવી એકમાત્ર ટીમ બની છે જેણે ત્રણ વખત આ ખિતાબ જીત્યો છે.
હવે જ્યારે 2026નો ટી-20 વર્લ્ડ કપ પૂર્ણ થયો છે, ત્યારે ચાહકોના મનમાં એક જ પ્રશ્ન છે કે આગામી ટી-20 વર્લ્ડ કપ ક્યારે અને ક્યાં રમાશે.
ટી-20 વર્લ્ડ કપની આગામી એડિશન 2028માં રમાશે. સામાન્ય રીતે દર બે વર્ષે ટી-20 વર્લ્ડ કપ યોજાય છે. 2028ની એડિશન 21 ઑક્ટોબરથી 19 નવેમ્બર વચ્ચે યોજાશે.
2028નો ટી-20 વર્લ્ડ કપ ઓસ્ટ્રેલિયા અને ન્યૂઝીલેન્ડમાં રમાશે. આ બંને દેશો મળીને આ વખતે ટૂર્નામેન્ટની યજમાની કરશે.
આ વેન્યૂ પર રમાશે મેચો
ઓસ્ટ્રેલિયા:
મેલબોર્ન ક્રિકેટ ગ્રાઉન્ડ
સિડની ક્રિકેટ ગ્રાઉન્ડ
એડિલેડ ઓવલ
ઓપ્ટસ સ્ટેડિયમ
ન્યૂઝીલેન્ડ:
ઈડન પાર્ક
સ્કાઈ સ્ટેડિયમ
હેજલી ઓવલ
કઈ ટીમોએ ક્વોલિફાય કર્યું
ઓસ્ટ્રેલિયા અને ન્યૂઝીલેન્ડ યજમાન દેશ હોવાના કારણે સીધા ક્વોલિફાય થયા છે. ઉપરાંત ભારત, ઈંગ્લેન્ડ, સાઉથ આફ્રિકા, પાકિસ્તાન, વેસ્ટ ઇન્ડિઝ, શ્રીલંકા અને ઝિમ્બમ્વે પણ ટૂર્નામેન્ટ માટે ક્વોલિફાય થઈ ચૂક્યા છે.
આઈસીસી ની T20i રેન્કિંગના આધારે અફઘાનિસ્તાન, બાંગ્લાદેશ અને આયરલેન્ડની ટીમોએ પણ અત્યાર સુધી ક્વોલિફાય કરી લીધું છે.
