બોલિવુડમાં શરૂઆતમાં એવી બાબત જોવામાં આવી રહી હતી કે લગ્ન કર્યા બાદ અભિનેત્રીઓ મોટા ભાગે એક્ટિંગથી દુર થઇ રહી હતી. જેમાં તમામ મોટી અભિનેત્રીઓ સામેલ રહી છે. જો કે હવે ટ્રેન્ડ બદલાઇ રહ્યો છે. હવે બોલિવુડમાં વિતેલા વર્ષોમાં ધુમ મચાવી ચુકેલી અને મોડેથી લગ્ન કરી ચુકેલી અભિનેત્રીઓ ફરી બોલિવુડમાં સફળ ઇનિગ્સ રમી રહી છે. જેમાં કરીના કપુરનો પણ સમાવેશ થાય છે.
એક દશકના લાંબા ગાળા બાદ હવે અન્ય કેટલીક અભિનેત્રીઓ પણ ધુમ મચાવવા માટે તૈયાર છે. જેમાં સુસ્મિતા સેન, પુજા ભટ્ટ અને શિલ્પા શેટ્ટીનો સમાવેશ થાય છે. તાજેતરમાં જ એક કાર્યક્રમમાં વિતેલા વર્ષોની લોકપ્રિય અભિનેત્રી પુનમ ઢિલ્લોએ કહ્યુ હતુ કે પહેલા પરિણિત અભિનેત્રીને કામ મળતુ ન હતુ.
હવે પરિણિત અભિનેત્રી માતા બની ગયા બાદ અને થોડાક વર્ષોમાં બ્રેક રહ્યા બાદ ફરી એન્ટ્રી કરી ચુકી છે અથવા તો એન્ટ્રી કરી રહી છે. બીજી ઇનિગ્સ જોરદાર રીતે રમવા માટે તૈયાર છે. માધુરી, જુહી ચાવલા, કાજોલ, પ્રિટી ઝિન્ટા, તેમજ મનિષા કોઇરાલા જેવી અભિનેત્રીઓ બીજી ઇનિગ્સ શરૂ કરી ચુકી છે.
મિસ યુનિવર્સનો તાજ જીતી ચુકેલી અભિનેત્રી સુસ્મિતા સેન પણ એન્ટ્રી કરવા જઇ રહી છે. પુજા ભટ્ટ પણ એન્ટ્રી કરી રહી છે. આ તમામ અભિનેત્રી એક દશકના લાંબા ગાળા બાદ એન્ટ્રી કરવા જઇ રહી છે. સુસ્મિતા સેનને બોલિવુડની સૌથી ખુબસુરત સ્ટાર પૈકી એક તરીકે ગણવામાં આવે છે. સુસ્મિતા સેને ફોટો પોસ્ટ કરતા કહ્યુ છે કે તે બોલિવુડમાં એન્ટ્રી કરવા માટે તૈયાર છે. તેનુ કહેવુ છે કે તેના ચાહકો છેલ્લા ૧૦ વર્ષથી તેની વાપસીની રાહ જોઇ રહ્યા હતા.
તમામ લોકો જાણે છે કે સુસ્મિતા સેન છેલ્લે વર્ષ ૨૦૧૦માં ફિલ્મ નો પ્રોબ્લમમાં નજરે પડી હતી. અભિનેત્રી શિલ્પા શેટ્ટી પણ કમબેક કરી રહી છે. તે નિકમ્મા ફિલ્મ મારફતે એન્ટ્રી કરનાર છે. શુટિંગ શરૂ કરવામાં આવી ચુક્યુછે. આ ફિલ્મ નવા વર્ષમાં પાચંમી જુનના દિવસે જારી કરવામાં આવનાર છે. શિલ્પા છેલ્લે ૨૦૦૭માં આવેલી ફિલ્મ અપનેમાં નજરે પડી હતી. મોટા પરદાથી તે ૧૩ વર્ષથી દુર રહી છે.
દિલ હે કિ માનતા નહીં, સડક, ડેડી જેવી ફિલ્મ મારફતે લોકપ્રિયતા મેળવી લેનાર પુજા ભટ્ટ હવે હવે ૧૧ વર્ષના લાંબા ગાળા બાદ એન્ટ્રી કરવા જઇ રહી છે. તે સડક-૨ ફિલ્મ મારફતે બોલિવુડમાં એન્ટ્રી કરનાર છે. આ ફિલ્મનુ નિર્દેશન તેના પિતા મહેશ ભટ્ટ કરી રહ્યા છે. ફિલ્મમાં તેની બહેન આલિયા ભટ્ટ પણ કામ કરી રહી છે. આદિત્ય રોલ કપુર અને સંજય દત્ત પણ ફિલ્મમાં કામ કરી રહ્યા છે. ફિલ્મ આગામી વર્ષે સિનેમાહોલમાં રજૂ કરવામાં આવનાર છે.
વર્ષ ૨૦૧૯માં ૭૦-૮૦ના દશકની કેટલીક અભિનેત્રી પણ વાપસી કરી ચુકી છે જેમાં રાજેશ ખન્નાની સુપરહિટ ફિલ્મમાં કામ કરી ચુકેલી અભિનેત્રી પદ્મિની કોલ્હાપુરીનો સમાવેશ થાય છે. તે હાલમાં રજૂ કરવામાં આવેલી પાનિપત ફિલ્મમાં દેખાઇ હતી.
વિતેલા વર્ષોની ગ્લેમર ગર્લ જિન્નત અમાન પણ લાંબા બ્રેક બાદ હાલમાં ફિલ્મમાં દેખાઇ હતી. તે સકીના બેગમના રોલમાં હાલમાં દેખાઇ હતી. બદલા ફિલ્મમાં અમૃતા સિંહ પણ નજરે પડી હતી.
