મુંબઇ : શેરબજારમાં આજે મંદીનું મોજુ ફરી વળ્યું હતું. કારોબારના અંતે સેંસેક્સ ફરી એકવાર ઘટીને બંધ રહ્યો હતો. બેંચમાર્ક ઇન્ડેક્સ સેંસેક્સ અને નિફ્ટી બંને ઘટાડા સાથે બંધ રહ્યા હતા. સેંસેક્સ ૧૦૧ પોઇન્ટ ઘટીને ૩૮૧૩૩ની સપાટીએ રહ્યો હતો જ્યારે નિફ્ટી પણ ૩૮ પોઇન્ટ ઘટીને ૧૧૪૪૫ની નીચી સપાટીએ બંધ રહ્યો હતો. આજે કારોબાર દરમિયાન રિલાયન્સ ઇન્ડસ્ટ્રી અને ફાઈનાÂન્સયલ કાઉન્ટરોમાં પ્રોફિટ બુકિંગની સ્થિતિ જાવા મળી હતી. આરઆઈએલ અને એચડીએફસી બેંક, ટીસીએસ સહિતના શેરોમાં મોટો કડાકો બોલી ગયો હતો. મિડકેપ ઇન્ડેક્સમાં ૮૮ પોઇન્ટનો ઉછાળો નોંધાયો હતો જેથી તેની સપાટી ૧૫૧૬૮ રહી હતી જ્યારે
સ્મોલકેપ ઇન્ડેક્સ ૧૪૭૭૮ની સપાટીએ રહ્યો હતો તેમાં ૯૫ પોઇન્ટનો ઉછાળો જાવા મળ્યો હતો. સેક્ટરલ મોરચે ફાર્માના શેરમાં સૌથી વધુ ઘટાડો રહ્યો હતો. ઓટો અને રિયાલીટી ઇન્ડેક્સમાં ઘટાડો રહ્યો હતો. નિફ્ટી પીએસયુ બેંક ઇન્ડેક્સમાં ૧.૫૯ ટકાનો ઉછાળો જાવા મળ્યો હતો.
આજે કારોબાર વેળા આઈસીઆઈસીઆઈ પ્રુડેન્શિયલ લાઈફ ઇન્સ્યોરન્સ કંપનીના શેરમાં બે ટકાનો ઉછાળો રહ્યો હતો. વોડાફોન આઈડિયાના શેરમાં ચાર ટકાનો ઘટાડો ઇન્ટ્રા ડે દરમિયાન રહ્યો હતો. ગુરૂવારના દિવસે માર્ચ સિરીઝમાં ફ્યુચર એન્ડ ઓપ્શન કોન્ટ્રાક્ટનો ગાળો પૂર્ણ થનાર છે. એપ્રિલ સિરિઝ માટે રોકાણકારો રોલઓવર માટે તૈયાર છે. નિફ્ટી ફ્યુચર શુક્રવારના દિવસે ૧૧૩૭૮ની સપાટીએ રહ્યો હતો. બે મહત્વપૂર્ણ ડેટા પણ જારી કરવામાં આવનાર છે. ફેબ્રુઆરી મહિના માટે ફિઝલ ડેફિસીટના ડેટા અને ઈન્ફ્રાસ્ટ્રકચર આઉટપુટના આંકડા જારી કરવામાં આવનાર છે. આઠ ઈન્ફ્રાસ્ટ્રકચર સેકટર કોલસા, ક્રુડ, નેચરલ ગેસ, રિફાઈનરી, ફર્ટિલાઈઝર્સ, સ્ટીલ, સિમેન્ટ અને ઈલેકટ્રિસિટીને લઈને કોર સેકટરના આંકડા જારી કરવામાં આવનાર છે.જાન્યુઆરી મહિનામાં તેમાં વધારો ૧.૮ ટકા સુધીનો રહ્યો હતો. ક્રુડની કિંમતમાં ઘટાડો રહ્યો હતો.
રિફાઈનરી પ્રોડક્ટ્સ અને ઈલેકટ્રિસિટીમાં ઘટાડો રહ્યો હતો. દેશના ચોથા ત્રિમાસિક ગાળાના વિદેશી દેવા અને વર્તમાન ખાતાકીય ડેટાના આંકડા પણ મહત્વપૂર્ણ છે. અમેરિકા અને ચીન વચ્ચેની ઉચ્ચસ્તરીય મંત્રણા પણ યોજાનાર છે. આ મંત્રણા ગુરૂવારના દિવસે થશે. બંને દેશો વેપાર સંબંધિત મતભેદોને દુર કરવા માટે આશાવાદી છે. વેપાર મંત્રણા ઉપર વૈશ્વિક બજારોની નજર કેન્દ્રિત થઈ છે. ક્રુડની કિંમતોની અસર પણ દેખાશે.વિદેશી મૂડીરોકાણકારોએ હજુ સુધી માર્ચ મહિનામાં સ્થાનિક મૂડી માર્કેટમાં ૩૮૨૧૧ કરોડ રૂપિયા ઠાલવી દીધા છે. સુધરી ગયેલી વૈશ્વિક લિક્વિડિટીની સ્થિતિ વચ્ચે વિદેશી મૂડીરોકાણકારો દ્વારા જંગી નાણાં ઠાલવવામાં આવ્યા છે.
ફેબ્રુઆરી મહિનામાં વિદેશી મૂડીરોકાણકારોએ મૂડી માર્કેટ ડેબ્ટ અને ઈક્વીટીમાં મળીને ૧૧૧૮૨ કરોડ રૂપિયા ઠાલવી દીધા હતા. જાણકાર લોકોનું કહેવું છે કે મોનિટરીંગ પોલિસી આઉટલૂક ઉપર આને સીધી અસર થનાર છે. નવેસરના આંકડા મુજબ વિદેશી મૂડીરોકાણકારોએ પહેલી માર્ચથી લઈને ૨૨મી માર્ચ વચ્ચેના ગાળામાં ઈક્વિટીમાં ૨૭૪૨૪.૧૮ કરોડ રૂપિયા ઠાલવ્યા છે.સતત બે દિવસ સુધી ઘટાડો રહ્યા બાદ શેરબજારમાં ગઇકાલે ફરીવાર તેજી જાવા મળી હતી. કારોબારના અંતે સેંસેક્સ ૪૨૫ પોઇન્ટ અથવા તો ૧.૧૨ ટકા સુધરીને ૩૮૨૩૩ની સપાટીએ રહ્યો હતો. નિફ્ટી ૧૨૯ પોઇન્ટ અથવા તો ૧.૧૪ ટકા ઉછળીને ૧૧૪૮૩ની સપાટએ રહ્યો હતો. આજે દિવસ દરમિયાન તેજી રહી શકે છે.
