નવેમ્બર મહિનો ŠKODA AUTO માટે નવી ઊંચાઇઓ સર કરવાનો રહ્યો હતો. તાજેતરમાં જ ભારતના તેમજ વિશ્વના ઓટો નિષ્ણાતોની ભાગીદારી સાથે “પીક ટુ પીક” ઝૂંબેશનું સમાપન કર્યા બાદ ŠKODA AUTOએ પાછલા મહિને 4,433 યુનિટનું વેચાણ હાંસલ કર્યુ હતુ, જે પાછલા વર્ષના સમાન ગાળાની તુલનામાં કે જેમાં 2,196 કાર વેચાઇ હતી તેની સામે 102% નો વધારો દર્શાવે છે.
વધી રહેલા વેચાણ આંક સાથે ŠKODA AUTO ઇન્ડિયા 2021 સામે બમણું વાર્ષિક વેચાણ મેળવશે.
અમે તાજેતરમાં ŠKODA AUTO a.s. માટે ત્રીજું સૌથી મોટું બજાર બનીને અમારા સર્વકાલીન ઉચ્ચ વેચાણના રેકોર્ડને પાર કર્યો છે. અમારા નવેમ્બરના વેચાણ સાથે, મને એ જણાવતા આનંદ થાય છે કે અમે આ વર્ષે અમારા વાર્ષિક વેચાણને 2021 કરતાં બમણું કર્યું છે, જ્યારે ડિસેમ્બરનો મોટો મહિનો હજુ બાકી છે. ભારતમાં સૌથી સુરક્ષિત કાર તરીકે ઘોષિત થયા પછી, અમારી એવોર્ડ વિજેતા સેડાન, SLAVIA સાથે KUSHAQ અમારી વૃદ્ધિ તરફ દોરી જાય છે. અમે સતત અમારી વૃદ્ધિની ગતિ જાળવી રાખી છે, અને વર્ષનું નવી ઊંચાઈએ સમાપન કરવાની રાહ જોઈ રહ્યા છીએ.”
સંયુક્ત રીતે, જાન્યુઆરીથી નવેમ્બર 2022 સુધીમાં, SKODA AUTO ઇન્ડિયાએ 48,933 એકમોનું વેચાણ કર્યું છે, જે 2021માં વાર્ષિક વેચાયેલી 23,858 કારના બમણા કરતાં પણ વધુ છે. આ કંપનીને 2022 માટે તેના 50,000 કારના વાર્ષિક લક્ષ્યની નજીક લાવે છે.
તેના સૌથી મોટા વર્ષ સાથે, ભારત આંતરરાષ્ટ્રીય સ્તરે ŠKODA AUTOનું ત્રીજું સૌથી મોટું બજાર પણ બની ગયું છે. તેની INDIA 2.0 વ્યૂહરચના ઉપરાંત, જે ગ્રાહક કેન્દ્રિતતા પર પણ ભાર મુકે છે, SKODA AUTO ઇન્ડિયાએ તેના શોરૂમને ક્રાંતિકારી તરબોળ અને ઇન્ટરેક્ટિવ ટેક્નોલોજીઓ સાથે સંપૂર્ણ રીતે ડિજિટલાઇઝ કર્યો છે જે તેના ગ્રાહકો માટે કાર-ખરીદીના અનુભવને ફરીથી વ્યાખ્યાયિત કરે છે. ગ્રાહકોની નજીક રહેવા, તેના નેટવર્કને વિસ્તરણ કરવામાં અને ડિસેમ્બર 2021માં 175 થી 220થી વધુ ટચપૉઇન્ટની સંખ્યા વધારવામાં કંપનીના ઉદ્દેશ્યોને મદદ કરવામાં તે મુખ્ય પરિબળો પૈકીનુ એક છે.
