રાજકુમાર હિરાણી અને ટીમને ફરી એક વાર ઉજવણી કરવાની તક મળી ગઇ છે. બોલિવુડના અભિનેતા સંજય દત્તના જીવન પર બનેલી ફિલ્મ સંજુ દુનિયાભરમાં 500 કરોડના આંકડાને પાર કરી ચૂકી છે. 29 જૂનના રોજ રિલીઝ થયેલી ફિલ્મ સંજુ બ્લોકબસ્ટર થવાનુ કારણ રણબીર કપૂર અને વિક્કી કૌશલની શાનદાર એક્ટિંગ છે.
સંજુએ પહેલા અઠવાડિયામાં જ 200 કરોડના આંકડાને પાર કરી લીધો હતો. ત્રીજા અઠવાડિયા સુધી સંજુએ 300 કરોડ રૂપિયાનો આંકડો પાર કરી લીધો હતો. રણબીર કપૂરની ફિલ્મોમાંથી આ ફિલ્મ સૌથી વધુ કમાણી કરનારી ફિલ્મ બની છે. ફિલ્મ સંજુ રણબીર કપૂરના કરિયર માટે ટર્નિંગ પોઇન્ટ સાબિત થઇ શકે તેમ છે. વિક્કી કૌશલને પણ લોકો આ ફિલ્મથી ઓળખવા લાગ્યા છે.
સંજુ ફિલ્મે દુનિયાભરમાં 500 કરોડથી વધારે કમાણી કરી છે.
- ઇન્ડિયન નેટ બોક્સ ઓફિસ – 295.18 કરોડ
- ઇન્ડિયન ગ્રોસ બોક્સ ઓફિસ – 378.43 કરોડ
- વિદેશી ગ્રોસ બોક્સઓફિસ – 122 કરોડ
- દુનિયાભરનુ ગ્રોસ કલેક્શન – 500.43 કરોડ
હજૂ પણ સંજુ વધારે કમાણી કરી શકે છે તેવુ લાગી રહ્યુ છે.
