આજ રોજ 11મી જાન્યુઆરી 2026ના રોજ લાયન્સ ડિસ્ટ્રિક્ટ 3232B1 દ્વારા “વડીલોના વંદન” નામનું એક ભાવસભર અને સ્મરણિય કાર્યક્રમનું આયોજન કરવામાં આવ્યું હતું. આ કાર્યક્રમનું નેતૃત્વ ડિસ્ટ્રિક્ટ કેબિનેટ ઑફિસર ઑફ એલ્ડરલી સિટીઝન કેર તરીકે વડીલો માટે સમર્પિત સેવા આપનાર શ્રીમતી ઉષા શાહ દ્વારા કરવામાં આવ્યું હતું. કાર્યક્રમમાં અતિથિ તરીકે આર.પી. પટેલ (વિશ્વય ઉમિયા ધામ) ની ગૌરવસભર ઉપસ્થિતિ રહી હતી. આ ઉપરાંત ડિસ્ટ્રિક્ટના વરિષ્ઠ અધિકારીઓમાં પ્રકાશ અગ્રવાલ (ડિસ્ટ્રિક્ટ ગવર્નર), ગિરવાન મેહતા (ફર્સ્ટ ડિસ્ટ્રિક્ટ ગવર્નર), જીતેન્દ્ર બી. રાવ (સેકન્ડ ડિસ્ટ્રિક્ટ ગવર્નર) તથા લાયન વિપુલ દવે ની વિશેષ હાજરી રહી હતી.
કાર્યક્રમ દરમિયાન 600થી વધુ વડીલોનું વિશેષ વંદન કરવામાં આવ્યું હતું. વડીલો માટે ખાસ રીતે આયોજન કરાયેલ Fashion Show, ઉત્સાહભર્યા Dance Performances તથા સૌને જોડતી અને આનંદ આપતી Antakshari જેવી પ્રવૃત્તિઓએ સમગ્ર માહોલને જીવંત અને આનંદમય બનાવી દીધો હતો. આ સાથે વડીલો માટે પુરસ્કાર વિતરણ દ્વારા તેમના યોગદાનને ગૌરવપૂર્ણ રીતે સન્માનિત કરવામાં આવ્યા.
સન્માન, મનોરંજન અને સંવેદનાનો સુમેળ ધરાવતા “વડીલોના વંદન” કાર્યક્રમ દ્વારા લાયન્સ ડિસ્ટ્રિક્ટ 3232B1એ વડીલો પ્રત્યે આદર, કૃતજ્ઞતા અને સામાજિક જવાબદારીનો મજબૂત સંદેશ સમાજ સુધી પહોંચાડ્યો હતો.
