ટીવી પર લાંબા સમયથી પ્રસારિત સીરિયલ ‘તારક મહેતા કા ઉલ્ટા ચશ્મામાં આશરે ૧૨ વર્ષ સુધી અંજલીભાભીનું પાત્ર ભજવનારી નેહા મહેતા છેલ્લા કેટલાક સમયથી ફરીથી ચર્ચામાં છે. એક્ટ્રેસે કોરોના મહામારી દરમિયાન (વર્ષ ૨૦૨૦) શોને અલવિદા કહ્યું હતું અને થોડા દિવસ પહેલા તેણે દાવો કર્યો હતો કે,TMKOCના મેકર્સે તેને છ મહિનાનું પેમેન્ટ હજી સુધી આપ્યું નથી. શોના અધિકારીઓએ હાલમાં આ અંગે પ્રતિક્રિયા આપી હતી. પ્રોડક્શન હાઉસના અધિકારીએ કહ્યું હતું કે, ‘વાત સાચી નથી. તમે તેના મેસેજ અથવા અમારા મેસેજ ચેક કરી શકો છે. તો અમારા સંપર્કમાં નહોતી. અમને જાણ કર્યા વગર તે જતી રહી હતી અને અમારી સાથે વાત નહોતી કરતી. પૈસા આપવાના બાકી છે જો તેવો આક્ષેપ હોય તો, તમે અથવા તેનો પરિવાર આવી શકે છે અને અમારું તેમજ તેનું અકાઉન્ટ ચેક કરી શકે છે.
અધિકારીએ કહ્યું હતું કે, ‘જ્યાં સુધી આ કેસની વાત છે ત્યાં સુધી તે સાચું નથી’. અધિકારીએ તેમ પણ કહ્યું હતું કે, શોના પ્રોડ્યૂસર આસિત કુમાર મોદી ફી ચૂકવવાની બાકી હોવાના નેહાના આક્ષેપથી દુઃખી છે. ‘અમને ઠેસ પહોંચી છે. બે વર્ષ બાદ તેને અહેસાસ થયો કે છ મહિનાનું પેમેન્ટ બાકી છે. શું તેણે પ્રોડક્શન હાઉસને પત્ર મોકલ્યો હતો અથવા અમારી સાથે વાત કરી હતી? હકીકતમાં, અમે તેનો સંપર્ક કરવાનો પ્રયાસ કર્યો હતો પરંતુ તેણે જવાબ આપ્યો નહોતો’, તેમ અધિકારીએ ઉમેર્યું હતું. અધિકારીએ વધુમાં જણાવ્યું હતું કે ‘શોએ તેમને નામના અને ખ્યાતિ આપી. તેઓ શો છોડીને જતા રહ્યા. મને તે સમજાતું નથી કે, જેઓ શો છોડીને ગયા તેમના મગજમાં શું ચાલી રહ્યું હતું. તેમને દર્શકો તરફથી ખૂબ પ્રેમ મળ્યો હતો. તમને એટલો પ્રેમ મળ્યો છે, પૈસા કોઈ પણ કમાઈ શકે છે અને એવું નથી કે અમે ઓછી ફી આપીએ છીએ, નહીં તો બધા ૧૪ વર્ષ સુધી અમારી સાથે ન હોત. નેહા મહેતા અંજલી મહેતાના પાત્રમાં જોવા મળી હતી. સુનૈના ફોજદારે તેને રિપ્લેસ કરી હતી. ‘અંજલીભાભી’ના પાત્રમાં દર્શકો તેને પસંદ કરી રહ્યા છે.
