મુંબઇ : બોલિવુડની ખુબસુરત સ્ટાર અભિનેત્રી વાણી કપુરને હવે એક મોટી ફિલ્મ હાથ લાગી ગઇ છે. પ્રાપ્ત અહેવાલ મુજબ તે શમશેરા નામની ફિલ્મમાં રણબીર કપુર સાથે નજરે પડનાર છે. આ એક્શન એડવેન્ચર ફિલ્મ ૩૦મી જુલાઇ ૨૦૨૦ના દિવસે રજૂ કરવામાં આવનાર છે. આ ફિલ્મમાં રણબીર ડબલ રોલમાં કામ કરનાર છે. તેની સાથે સંજય દત્ત અને ખુબસુરત વાણી કપુરની પણ ભૂમિકા હતી. વાણી કપુરે કહ્યુ છે કે પાવર હાઉસ ઓફ ટેલેન્ટ એટલે કે રણબીર કપુર સાથે કામ કરવાની બાબત તેના માટે મોટી સિદ્ધી સમાન છે.
વાણી કપુરે કહ્યુ છે કે એક કલાકાર તરીકે રણબીર કપુર બોલિવુડમાં સૌથી કુશળ સ્ટાર પૈકી એક છે. તેનુ કહેવુ છે કે રણબીર એવા કલાકારો પૈકી છે જેની ફિલ્મો તે શરૂઆતથી જોતી રહી છે. વાણી કપુરે કહ્યુ છે કે આ પ્રશંસાની વાત છે કે કરણ જોહરે તેને ફિલ્મમાં રોલ કરવાની ઓફર કરી છે. શમશેરા એક ડ્રીમ પ્રોજેક્ટ છે. ફિલ્મ શમશેરાનુ શુટિંગ હવે વર્ષ ૨૦૧૮ના અંતમાં શરૂ થશે અને વર્ષ ૨૦૨૦સુધી ફિલ્મના શુટિંગને પૂર્ણ કરી લેવામાં આવ્યા બાદ ફિલ્મ રજૂ કરાશે. એક્શનથી ભરપુર આ ફિલ્મનુ નિર્દેશન કરણ મલહોત્રા કરનાર છે. રણબીર કપુર બોલિવુડમાં હાલમાં સૌથી લોકપ્રિય સ્ટાર તરીકે છે.
વાણી અને રણબીર કપુરની હોટ જોડી પ્રથમ વખત કામ કરવા જઇ રહી છે. ફિલ્મને લઇને છેલ્લા કેટલાક સમયથી ચર્ચા ચાલી રહી છે. આ ફિલ્મના પોસ્ટર અને ટ્રેલરને લઇને ચર્ચા છે. રણબીર કપુર ફિલ્મમાં એક ધાડપાડુની ભૂમિકા અદા કરનાર છે. જ્યારે વાણી કપુર ફિલ્મમાં ડાન્સર તરીકેની ભૂમિકામાં નજરે પડનાર છે.
