રાણી મુખર્જીની ફિલ્મ ‘હિચકી’ આ વર્ષે માર્ચ મહીનામાં રજૂ થઇ હતી. આ લોકપ્રિય હિન્દી ફિલ્મ હવે રશિયન ભાષામાં ડબ કરવામાં આવશે. આ ફિલ્મમાં રાની મુખર્જી શિક્ષકની ભૂમિકા ભજવતી જોવા મળે છે, જેને બોલવામાં તકલીફ પડતી હોય છે.
આ ફિલ્મને હાલમાં જ શાંઘાઇ ઇન્ટરનેશનલ ફિલ્મ ફેસ્ટિવલમાં વખાણવામાં આવી હતી અને સ્ટેન્ડિંગ ઓવેશન આપવામાં આવ્યું હતું.
યશ રાજ ફિલ્મ્સના બેનર હેઠળ બનેલી આ ફિલ્મનો વિષય ખૂબ જ રસપ્રદ હોવાથી તે સારી પ્રતિક્રિયા મેળવી રહી છે. આ ફિલ્મને હવે રશિયામાં રિલિઝ થવા માટે તૈયારી શરૂ કરી દેવામાં આવી છે અને તેથી તેનું ડબિંગ રશિયન ભાષામાં કરવામાં આવશે. જેને આ વર્ષે ૬ સપ્ટેમ્બરે એટલે કે શિક્ષક દિનના રોજ રિલિઝ કરવામાં આવશે.
