મુંબઇ : ટુ ફિલ્મનુ પ્રથમ ગીત તુ હી રે રજૂ કરવામાં આવ્યા બાદ તેની ઉત્સુકતા વધી ગઇ છે. સુપરસ્ટાર રજનિકાંત અને અક્ષય કુમાર અભિનિત ફિલ્મ ટુ ભારતમાં બનેલી હજુ સુધીની સૌથી મોંઘી ફિલ્મ પૈકી એક ફિલ્મ છે. ફિલ્મનુ પ્રથમ ગીત રજનિકાંત અને એમી જેક્સન પર રાખવામાં આવ્યુ છે. ગીતના બોલ તુ હી રે રાખવામાં આવ્યા છે. ગીત અબ્બાસ ટાયરવાલાએ લખ્યુ છે. આને અરમાન મલિકની સાથે શાશા તિરુપતિ દ્વારા અવાજ આપવામાં આવ્યા બાદ સાંભળવામાં મજા પડે છે. યુટ્યુબ પર ગીત ડાઉનલોડ કરવામાં આવ્યા બાદ ૪૦ લાખ લોકો આ ગીતને નિહાળી ચુક્યા છે.
ફિલ્મનુ સંગીત ઓસ્કાર એવોર્ડ વિજેતા એઆર રહેમાને આપ્યુ છે. બે મિનિટ અને ૩૭ સેકન્ડના આ ગીતમાં એમી જેક્સન અને રજનિકાંતના લુકમાં છે.ગીતમાં બંનેના ડાન્સ સ્ટેપ્સ આપને હેનાર કરશે. ફિલ્મ ૨૯મી નવેમ્બરના દિવસે રજૂ કરવામાં આવી રહી છે. ફિલ્મમાં રજનિકાંત અને અક્ષય કુમાર મુખ્ય રોલમાં છે. ફિલ્મમાં એમી જેક્સન શાનદાર રોલમાં છે. ધર્મા પ્રોડક્શનના બેનર હેઠળ બની રહેલી ફિલ્મની ટીમ દર્શકોને એક અલગ અનુભવ કરાવશે. એક રિપોર્ટમાં કહેવામાં આવ્યુ છે કે ટુ ફિલ્મ રજૂઆત કરવામાં આવે તે પહેલા જ ફિલ્મે ૪૯૦ રૂપિયા કમાવી લીધા છે. શંકરના ડાયરેક્શનમાં બની રહેલી ફિલ્મ શુક્રવારે રજૂ કરવામાં આવનાર છે.
ફિલ્મમાં અક્ષય કુમાર વિલનના રોલમાં નજરકે પડનાર છે. જ્યારે રજનિકાંત પ્રથમ ફિલ્મના પાત્ર ચિટ્ટી અને તેના અપગ્રેડ વર્જનમાં નજરે પડનાર છે. રોબોટ ફિલ્મ રજૂ કરવામાં આવ્યા બાદ વધારે સફળતા હાંસલ કરે તેવી શક્યતા છે. બાહુબલી ફિલ્મના રેકોર્ડ કેટલાક તો તે પહેલા જ તોડી ચુકી છે. આ ફિલ્મની ચાહકો હવે ઉત્સુકતાપૂર્વક રાહ જાઇ રહ્યા છે. રોબોટમાં એશ્વર્યા રાય બચ્ચને ભૂમિકા અદા કરી હતી.
