એક સમય હતો જ્યારે લોકો પોતાના મનપસંદ સ્ટાર્સ પર નજર રાખવા માટે સોશિયલ મીડિયા વાપરતા હતા. પરંતુ આજના સમયમાં સોશિયલ મીડિયા કોઈ સામાન્ય માણસને પણ રાતોરાત સ્ટાર બનાવી શકે છે. ફક્ત તમારી એક રીલ વાયરલ થવાની વાર હોય છે અને તમે કરોડો લોકોની નજરમાં આવી જાઓ છો. કુંભ મેળા દરમિયાન મોનાલિસા પણ આ રીતે જ ચર્ચામાં આવી હતી.
હવે એવો જ એક છોકરો સોશિયલ મીડિયા પર છવાઈ ગયો છે. તાજેતરમાં બિકાનેરનો આ છોકરો હોળી રમવા માટે બહાર નીકળ્યો હતો. હવે આ છોકરાને લગ્ન માટે 30 હજાર પ્રપોઝલ આવી ગયા છે. હવે તમે વિચારશો કે આ છોકરાએ એવું શું કર્યું? હકીકતમાં બીકાનેરમાં હોળીના દિવસે છોકરાઓ છોકરીઓની જેમ સોળ શ્રૃંગાર કરીને હોળી રમે છે. આ છોકરાએ પણ આ પરંપરા નિભાવવા માટે એવો ગેટઅપ લીધો હતો.
View this post on Instagram
છોકરી બનવું ભારે પડ્યું
હોળીના દિવસે રાજસ્થાની અંદાજમાં આ છોકરો તૈયાર થયો હતો. છોકરી બનીને હોળી રમવી હવે તેના માટે ભારે પડી ગઈ છે. સોશિયલ મીડિયા પર આ છોકરાના ઘણા વીડિયો વાયરલ થઈ રહ્યા છે. કોઈ વીડિયોમાં તે લાડુ ખાતો દેખાય છે તો કોઈમાં ડાન્સ કરતો જોવા મળે છે. લોકો તેની સુંદરતા પરથી નજર હટાવી શકતા નથી. ઘણા લોકો કહે છે કે આ છોકરો તો ઘણી છોકરીઓ કરતાં પણ વધારે સુંદર લાગે છે. સોશિયલ મીડિયા પર તેના વીડિયોએ ધૂમ મચાવી દીધી છે.
30 હજાર લોકોએ લગ્ન માટે પ્રપોઝ કર્યું?
લોકો તેની સુંદરતા પર એટલા ફિદા થઈ ગયા છે કે તેને લગ્ન માટેના પ્રપોઝલ આવવા લાગ્યા છે. કહેવામાં આવે છે કે થોડા સમયમાં જ તેને લગભગ 30 હજાર લગ્ન પ્રપોઝલ મળી ગયા છે. એવું લાગે છે કે હવે કેટલાક લોકો છોકરાને જ લગ્ન માટે પ્રપોઝલ મોકલી રહ્યા છે. ખરેખર સોશિયલ મીડિયાની દુનિયામાં કંઈ પણ શક્ય છે.
ખાસ કરીને 19 સેકન્ડના એક વીડિયોમાં આ છોકરો શરમાતો દેખાય છે, જેને જોઈને લોકો તેની ઉપર ફિદા થઈ રહ્યા છે. એવું લાગે છે કે તેણે છોકરી જેવી અદાઓ શીખી રાખી હોય. જોકે ડાન્સ કરતી વખતે તે ભૂલી ગયો કે તે છોકરીના ગેટઅપમાં છે અને એક વીડિયોમાં મજેદાર ડાન્સ સ્ટેપ્સ કરતા જોવા મળે છે. કુલ મળીને કહીએ તો હોળીએ આ છોકરાની જિંદગી જ બદલાવી નાખી છે.
