પંચાયત સીઝન-૩ની રિલીઝની ચાહકો આતુરતાથી રાહ જાેઈ રહ્યા છે. એમેઝોન પ્રાઇમ વિડિયોએ તાજેતરમાં મોસ્ટ અવેટેડ શોનો ફર્સ્ટ લૂક રિલીઝ કર્યો હતો. જેમાં પંચાયત સચિવ જીતેન્દ્ર કુમાર બેગ લઈને મોટરસાઈકલ ચલાવતા જાેવા મળે છે. અગાઉ મીડિયા રિપોર્ટ્સમાં દાવો કરવામાં આવ્યો હતો કે, પંચાયત-૩ ૩૦ અથવા ૩૧ ડિસેમ્બરે સ્ટ્રીમ કરવામાં આવશે. જાે કે આવું બન્યું ન હતું. હવે એમેઝોને રિલીઝ ડેટ અંગે કેટલાક સંકેતો આપ્યા છે. જેના કારણે ચાહકો ઉત્સાહિત થઈ ગયા છે. એમેઝોન પ્રાઇમ વિડિયોએ સંકેત આપ્યો છે કે પંચાયત-૩ ૧૫ જાન્યુઆરીએ રિલીઝ થઈ શકે છે. જાે કે, OTT પ્લેટફોર્મ દ્વારા હજુ સુધી તેને સત્તાવાર જાહેરાત કરવામાં આવી નથી.
પંચાયત એ સૌથી વધુ ટ્રેન્ડિંગ અને મનોરંજક વેબ સિરીઝમાંની એક છે, જેને સારો પ્રતિસાદ મળ્યો છે. જીતેન્દ્ર કુમારના અભિનયની સૌએ પ્રશંસા કરી. પંચાયત સીઝન ૩ના અહેવાલો હેડલાઇન્સમાં આવતા જ ચાહકો પહેલેથી જ તેમની એક્સાઇટમેન્ટ શેર કરી રહ્યા છે. ચંદન કુમાર દ્વારા લખાયેલ અને દિપક કુમાર મિશ્રા દ્વારા દિગ્દર્શિત આ શ્રેણીમાં જિતેન્દ્ર કુમાર, રઘુબીર યાદવ, નીના ગુપ્તા, સાન્વિકા, ચંદન રોય, દુર્ગેશ કુમાર, અશોક પાઠક, ફૈઝલ મલિક અને સુનિતા રાજવાર સહિત પ્રતિભાશાળી કલાકારો છે. ગોવામાં ૫૪મા ઈન્ટરનેશનલ ફિલ્મ ફેસ્ટિવલ ઑફ ઈન્ડિયામાં પ્રાઇમ વિડિયોએ ‘પંચાયત સિઝન ૨’ માટે પ્રથમ શ્રેષ્ઠ વેબ સિરીઝ (OTT) એવોર્ડ જીતીને નોંધપાત્ર સિદ્ધિ હાંસલ કરી છે.
