સ્પેરપાર્ટ્સ બદલવા માટે નાણાંની અછતને કારણે પાકિસ્તાનની રોકડની તંગીવાળી સરકારી એરલાઇન્સે ત્રણ બોઇંગ ૭૭૭ સહિત તેના ૧૧ વિમાનોને ગ્રાઉન્ડ કરી દીધા છે. પાકિસ્તાન ઇન્ટરનેશનલ એરલાઇન્સ ના એક અધિકારીએ જણાવ્યું કે ટોચના મેનેજમેન્ટે છેલ્લા ત્રણ વર્ષમાં ૧૧ એરક્રાફ્ટને ગ્રાઉન્ડ કર્યા છે. તેમણે કહ્યું કે એરલાઈનમાં નાણાકીય કટોકટી છે અને ડોલર અને પેટ્રોલિયમ ઉત્પાદનોની વધતી કિંમતને કારણે કોઈ મદદ મળી શકી નથી. આ અધિકારીએ પોતાનું નામ જાહેર ન કરવાની શરતે જણાવ્યું કે આંતરરાષ્ટ્રીય અને સ્થાનિક રૂટ પર પીઆઈએ દ્વારા સંચાલિત ૩૧માંથી ૧૧ વિમાન કરાચી અને ઈસ્લામાબાદ એરપોર્ટ પર ગ્રાઉન્ડ થઈ ગયા છે. તેમણે કહ્યું કે નાણાકીય કટોકટીને કારણે એરલાઇન્સ ગયા વર્ષથી સ્પેરપાર્ટસ ખરીદવાની સ્થિતિમાં નથી, જેના કારણે આ એરક્રાફ્ટને ધીમે-ધીમે ઓપરેશનમાંથી બહાર કરી દેવામાં આવ્યા છે. શેહબાઝ શરીફની આગેવાની હેઠળની અગાઉની સરકારે પીઆઈએમાં નવા એમડીની નિમણૂક કરી હતી અને સરકારી માલિકીની એરલાઇનનું ખાનગીકરણ કરવાની તેની યોજના રજૂ કરી હતી.
અધિકારીએ જણાવ્યું હતું કે એરલાઇન હાલમાં ઉપલબ્ધ ૨૦ એરક્રાફ્ટ સાથે તેની કામગીરી ચાલુ રાખી રહી છે પરંતુ તેના ફ્લાઇટ શેડ્યૂલને અસર થઈ છે, જેમાં ખાસ કરીને ડોમેસ્ટિક ફ્લાઈટ પર વધારે અસર જોવા મળી છે. મીડિયા રિપોર્ટ્સમાંથી પ્રાપ્ત માહિતી અનુસાર, આ પહેલીવાર નથી જ્યારે પાકિસ્તાનમાંથી આવા સમાચાર સામે આવી રહ્યા છે. મે મહિનામાં પણ પીઆઈએના સીઈઓ આમિર હયાતે કહ્યું હતું કે આ વર્ષે એરલાઈન્સને ૧૧૨ અબજનું નુકસાન થશે. તેમણે કહ્યું કે હાલમાં પીઆઈએ ૭૪૨ અબજ રૂપિયાનું દેવું છે.
પાકિસ્તાને વિવિધ મંચો પરથી ઘણી વખત બ્રિક્સમાં સામેલ થવાની ઈચ્છા વ્યક્ત કરી છે. જો કે તેણે સત્તાવાર BRICSમાં સામેલ થવા માટે હજુ સુધી અરજી કરી નથી, પરંતુ પાકિસ્તાનનો ખાસ મિત્ર ચીન BRICSનો મહત્વપૂર્ણ ભાગ છે. એટલા માટે માનવામાં આવે છે કે ચીન પાકિસ્તાનને BRICSમાં સામેલ કરવાનો પ્રયાસ કરી શકે છે.
