હવે દરેક નવા ટુ-વ્હીલરની ખરીદી પર 2 આઈએસઆઈ પ્રમાણિત હેલ્મેટ આપવાનું ફરજિયાત બનાવવામાં આવ્યું છે. આ નવી નીતિની જાહેરાત કેન્દ્રીય મંત્રી નીતિન ગડકરીએ તાજેતરમાં નવી દિલ્હીમાં યોજાયેલી ઓટો સમિટમાં કરી હતી. તેનો મુખ્ય ઉદ્દેશ્ય માત્ર બાઇક સવારની જ નહીં પરંતુ પાછળ બેઠેલા સવારની પણ સલામતી સુનિશ્ચિત કરવાનો અને હેલ્મેટ પહેરવાની સંસ્કૃતિને પ્રોત્સાહન આપવાનો છે.
સરકાર દ્વારા માર્ગ સલામતી માટે લેવામાં આવી રહેલા ઘણા મોટા પગલાઓમાંથી આ એક છે. વર્ષ ૨૦૨૩ ની શરૂઆતમાં, ભારત (ન્યૂ કાર એસેસમેન્ટ પ્રોગ્રામ) શરૂ કરવામાં આવ્યો હતો, જે દેશમાં વેચાતી કારનું ક્રેશ ટેસ્ટ કરે છે અને તેમના સલામતી રેટિંગ જારી કરે છે. તેવી જ રીતે, હવે આ હેલ્મેટ ફરજિયાત નિયમ ટુ-વ્હીલર સવારોની સલામતી વધારવા તરફનું એક વધુ મજબૂત પગલું છે.
ટુ-વ્હીલર હેલ્મેટ મેન્યુફેક્ચરર્સ એસોસિએશન એ આ ર્નિણયનું સ્વાગત કર્યું છે. સંસ્થા માને છે કે આ નિયમ દ્વારા હજારો લોકોના જીવ બચાવી શકાય છે. પ્રમુખ રાજીવ કપૂરે તેને સલામતી તરફ એક મહત્વપૂર્ણ પગલું ગણાવ્યું અને કહ્યું કે, આનાથી દેશમાં હેલ્મેટની જરૂરિયાતને ગંભીરતાથી લેવામાં આવશે.
કેન્દ્ર સરકારના આ ર્નિણય પછી, ટુ-વ્હીલર હેલ્મેટ મેન્યુફેક્ચરર્સ એસોસિએશન દ્વારા પણ તેની ઉત્પાદન ક્ષમતા વધારવાનો ર્નિણય લીધો છે, જેથી લોકોને સસ્તા અને સારી ગુણવત્તાવાળા હેલ્મેટ મળી શકે. હવે લોકોને સ્થાનિક અને અસુરક્ષિત પરીક્ષણ કરાયેલ હેલ્મેટ ખરીદવાની ફરજ પાડવામાં આવશે નહીં; તેના બદલે તેમને તેમની બાઇક સાથે બે ઉત્તમ અને માન્ય હેલ્મેટ મળશે.
