બોલીવુડની દિગ્ગજ અભિનેત્રી નીના ગુપ્તા એક વખત ફરી સોશિયલ મીડિયા પર ચર્ચામાં આવી છે. રસ્મિકા મંદાના અને વિજય દેવરકોંડાના ગ્રાન્ડ વેડિંગ રિસેપ્શનમાં તેમની એક લુકને લઈને સોશિયલ મીડિયામાં ભારે ચર્ચા શરૂ થઈ ગઈ હતી. સફેદ સાડીમાં તેમનું મોટું પેટ દેખાતા કેટલાક લોકોએ અનુમાન લગાવવાનું શરૂ કર્યું કે શું 66 વર્ષની નીના ગુપ્તા ફરી માતા બનવા જઈ રહી છે? જોકે અભિનેત્રીએ આ અફવાઓને સ્પષ્ટપણે નકારી દીધી અને કહ્યું કે આ માત્ર ગેરસમજ છે.
રશ્મિકા મન્દાના અને વિજય દેવેરકોન્ડાના લગ્નના રિસેપ્શનમાં નીના ગુપ્તા પોતાના પતિ વિવેક મહેરા સાથે પહોંચ્યા હતા. તેમણે સફેદ સાડી પહેરી હતી, જેમાં હોલ્ટર-નેક બ્લાઉઝ, ગોલ્ડ ચોકર અને લાલ ચૂડીઓ સાથે તેમનો લુક ખૂબ રોયલ લાગી રહ્યો હતો. પરંતુ સાડી ડ્રેપિંગ અને ફોટોમાં પોઝ આપવાની રીતને કારણે તેમનું પેટ થોડું બહાર દેખાતું હતું.
ફોટોઝ વાયરલ થતાં જ સોશિયલ મીડિયા પર યુઝર્સે કોમેન્ટ્સની ઝડી લગાવી દીધી. કેટલાક લોકોએ “ગુડ ન્યૂઝ!”, “નાની બનવાના સમાચાર?”, “66માં પ્રેગ્નન્ટ?” જેવી કોમેન્ટ્સ કરી. કેટલાક લોકોએ તો ફોટોને ઝૂમ કરીને શેર કરતા અભિનંદન પણ આપી દીધા. માર્ચ 2026ની શરૂઆતમાં આ અફવા ઝડપથી ફેલાઈ ગઈ હતી.
નીના ગુપ્તાની ફિટનેસ અને સ્ટાઈલ હંમેશા ચર્ચામાં રહે છે. તેઓ સિંગલ માતા તરીકે પણ જાણીતી છે. તેમણે પોતાની દીકરી મસાબા ગુપ્તાને લગ્ન વગર જન્મ આપ્યો હતો, જે આજે જાણીતી ફેશન ડિઝાઈનર છે. આ કારણે સોશિયલ મીડિયામાં ચાલી રહેલી ચર્ચાને વધુ વેગ મળ્યો હતો.
નીના ગુપ્તાનો સ્પષ્ટ જવાબ
ઇન્સ્ટાગ્રામ પર પ્રતિક્રિયા આપતાં નીના ગુપ્તાએ હસતાં કહ્યું, “અહીં કોઈ ગુડ ન્યૂઝ નથી. હું પ્રેગ્નન્ટ નથી. સાડીનું કાપડ થોડું જાડું હતો, તેથી રિસેપ્શનમાં હું થોડી જાડી લાગી હતી.
તેમણે પોતાની એક્ટિવ લાઈફસ્ટાઈલ બતાવતાં જિમ, યોગા અને ફિલ્મ શૂટિંગ દરમિયાનના ફોટોઝ પણ શેર કર્યા. તેમણે કહ્યું, “મારે તો બસ સ્વસ્થ અને ખુશ રહેવું છે.” તેમના આ સરળ અને સ્પષ્ટ જવાબને ફેન્સે ખૂબ પસંદ કર્યો.
નીના ગુપ્તાએ ફિલ્મો અને વેબ સીરિઝ દ્વારા ફરી સફળ કમબેક કર્યું છે. તેમણે પંચાયત જેવી લોકપ્રિય સીરિઝ અને અનેક ફિલ્મોમાં અભિનય કરીને પ્રશંસા મેળવી છે. તેઓ રાષ્ટ્રીય પુરસ્કાર પણ જીતી ચૂક્યા છે.
વિવેક મહેરા સાથે બીજા લગ્ન પછી તેઓ ખુશહાલ જીવન જીવી રહ્યા છે. નીના ગુપ્તા હંમેશા પોતાની નિર્ભીકતા અને આત્મવિશ્વાસ માટે જાણીતી રહી છે. સમાજની પરંપરાગત માન્યતાઓને પડકારતાં તેમણે હંમેશા પોતાની રીતે જીવન જીવ્યું છે અને આ વખતે પણ અફવાઓનો સામનો ખૂબ સહજ રીતે કર્યો છે.
