દુનિયામાં સૌથી વધુ રજા કયા દેશમાં મળે છે, આ દેશમાં મળે છે સૌથી ઓછી રજા

દુનિયાભરના રજાના કેલેન્ડર પરથી સ્પષ્ટ થાય છે કે કોઈ દેશ પોતાની સંસ્કૃતિ, ધર્મ અને કામ વચ્ચે કેવી રીતે સંતુલન સાધે છે. 2026 માટે જાહેર કરાયેલા નવા ઈન્ડેક્સ મુજબ ભારત 190 દેશોની યાદીમાં પ્રથમ સ્થાન પર છે. પોતાની સાંસ્કૃતિક અને ધાર્મિક વિવિધતાને કારણે ભારત 42 જાહેર રજાઓ સાથે ટોચ પર છે, જ્યારે વૈશ્વિક સરેરાશ માત્ર 13 રજાઓ છે.

Contents

ભારતમાં વધુ રજાઓ કેમ?ન્યૂ ઈયર પર અનેક દેશોમાં રજા અનેક ધર્મોના તહેવારો સૌથી વધુ રજાઓ ધરાવતા ટોચના દેશો (2026)સૌથી ઓછી રજાઓ ધરાવતા દેશો

આ યાદીમાં દુનિયાની સૌથી મોટી અર્થવ્યવસ્થા ધરાવતો દેશ United States રજાઓના મામલે વૈશ્વિક સરેરાશથી પણ નીચે છે. આ રિપોર્ટ વૈશ્વિક સ્તરે ઉજવાતા સાંસ્કૃતિક, ધાર્મિક અને રાષ્ટ્રીય તહેવારોના આધારે તૈયાર કરવામાં આવ્યો છે.

ભારતમાં વધુ રજાઓ કેમ?

ભારતની સૌથી વધુ રજાનું મુખ્ય કારણ અહીંની ધાર્મિક વિવિધતા છે. ભારત એકમાત્ર એવો દેશ છે જ્યાં હિન્દુ, મુસ્લિમ, ખ્રિસ્તી, સીખ, બૌદ્ધ અને જૈન જેવા તમામ મુખ્ય ધર્મોના તહેવારો પર રાષ્ટ્રીય અથવા પ્રાદેશિક રજા આપવામાં આવે છે. કેન્દ્ર સરકારની આશરે 17 ગઝેટેડ રજાઓ ઉપરાંત અલગ-અલગ રાજ્યોની સ્થાનિક રજાઓ ઉમેરાતા કુલ સંખ્યા લગભગ 42 સુધી પહોંચી જાય છે.

ન્યૂ ઈયર પર અનેક દેશોમાં રજા

રિપોર્ટ મુજબ, 1 જાન્યુઆરીનો ન્યૂ ઈયર ડે દુનિયામાં સૌથી વધુ ઉજવાતી રજા છે, જે ઓછામાં ઓછા 169 દેશોમાં સત્તાવાર જાહેર રજા છે. ઉપરાંત, 187 દેશોમાં તેમના સ્વતંત્રતા દિવસ અથવા રાષ્ટ્રીય દિવસે અનિવાર્ય જાહેર રજા હોય છે. રિપોર્ટ સૂચવે છે કે વધુ રજાઓ કામ અને જીવન વચ્ચેનું સંતુલન સુધારે છે, પરંતુ ભારતમાં બિઝનેસ પ્રોડક્ટિવિટી માટે પડકારરૂપ બની શકે છે.

અનેક ધર્મોના તહેવારો

ઘણા દેશો રાષ્ટ્રીય સ્તરે વિવિધ ધર્મોના મુખ્ય તહેવારો ઉજવે છે. ઉદાહરણ તરીકે, ઓછામાં ઓછા 52 દેશોમાં ક્રિસમસ અને ઈદ માટે જાહેર રજા હોય છે. તેમાંના 30થી વધુ દેશો આફ્રિકા ખંડમાં આવેલાં છે.