અમદાવાદ: ઇન્ટરનેશનલ સ્માર્ટફોન બ્રાન્ડ મોબીસ્ટાર દ્વારા ગુજરાતના ઓફલાઇન માર્કેટમાં પ્રવેશવાની જાહેરાત સાથે પાંચ આકર્ષક અને અનેકવિધ ફિચર્સ ધરાવતાં સેલ્ફી સેન્ટ્રિક સ્માર્ટફોન લોન્ચ કર્યા હતા. મોબીસ્ટારની લોન્ચ કરાયેલી મોબાઇલની નવી રેન્જમાં – સી ૧, સી ૨, ઈ ૧ સેલ્ફી અને એક્સ ૧ ડ્યુઅલનો સમાવેશ થાય છે. આ તમામ મોબાઇલ ફોન તમામ વર્ગના લોકોને સરળતાથી પોષાય તેવા દર રૂ.૪૩૪૦ થી લઇને રૂ.૧૦,૫૦૦ની રેન્જમાં ઉપલબ્ધ બનાવાયા છે.
ઓનલાઇન માર્કેટનો ક્રેઝ ધીરે ધીરે વધી રહ્યો છે, પરંતુ હજુ પણ ઓફલાઇન માર્કેટનો દબદબો યથાવત્ અને ૭૦ ટકા જેટલો મહત્તમ છે, તે કારણથી જ મોબીસ્ટાર દ્વારા ઓફલાઇન માર્કેટમાં આજે એક મહત્વપૂર્ણ પહેલ કરી છે એમ અત્રે મોબીસ્ટારના કો ફાઉન્ડર અને ભારત તેમ જ ગ્લોબલ લેવલના સીઇઓ કાર્લ ન્ગોએ જણાવ્યું હતું. તેમણે વધુમાં જણાવ્યું હતું કે, મોબી સ્ટારની આ નવી રેન્જ મોબાઇલ યુઝર્સને વાજબી કિંમતમાં શ્રેષ્ઠ સેલ્ફી, ફુલ વ્યુ ડિસપ્લે, ઓટોફોકસ્ડ, એલઇડી ફ્લેશ, રેર કેમેરા સ્પોર્ટિંગ, કવર્ડ સ્ક્રીન વ્યુઇંગ એક્સ્પીરીઅન્સ સહિતના અનેકવિધ ફિચર્સ સાથે માર્કેટમાં ભારે આકર્ષિત કરશે. ગુજરાતમાં કામકાજ વધારવા માટે મોબીસ્ટાર ૩૨ ડિસ્ટ્રીબ્યૂટર્સ અને ૩૦૦૦ રિટેલર્સને ભાગીદાર બનાવશે, જે ઓફલાઇન માર્કેટમાં તેની એન્ટ્રી છે.
આ કંપની ગુજરાતમાં ૨૦૦થી વધુ કર્મચારીઓની ભરતી કરવાની સાથે-સાથે ૪૦ સર્વિસ સેન્ટર સ્થાપશે જેના દ્વારા કસ્મટર્સને શ્રૈષ્ઠત્તમ અનુભવ આપવાનો પ્રયત્ન કરશે. મોબીસ્ટારની નવી રેન્જ અત્યંત આકર્ષક ભાવે ઉપલબ્ધ છે. જેમાં સી૧ લાઇટ રૂ.૪૩૪૦, સી૧ રૂ. ૫૪૦૦, સી૨ રૂ. ૬૩૦૦, ઈ૧ સેલ્ફી રૂ.૮૪૦૦ અને એક્સ૧ ડયુઅલ રૂ.૧૦,૫૦૦ના પોષાય તેવા દરે ઉપલબ્ધ થશે. જેથી દરેક સ્માર્ટફોન યુઝર્સ માત્ર સાડા ચાર હજારથી લઇ રૂ.૧૦,૫૦૦ સુધીમાં એક ઉત્કૃષ્ટ અને અનેકવિધ ફિચર્સ ધરાવતો મોબાઇલ પ્રાપ્ત કરી શકશે.
મોબીસ્ટારના કો ફાઉન્ડર અને ભારત તેમ જ ગ્લોબલ લેવલના સીઇઓ કાર્લ ન્ગોએ વધુમાં જણાવ્યું હતું કે, અમે દેશની ઇકોસિસ્ટમ્સમાં વધુ ઊંડે સ્થાપિત કરીને દેશ પ્રત્યેની અમારી મજબૂત પ્રતિબદ્ધતાને વ્યકત કરવા માંગતા હતા. આ બજાર માટે સ્માર્ટફોનનું પ્રમાણ અત્યંત ઊંચુ હોવાથી ગુજરાત એક અત્યંત મહત્વપૂર્ણ બજાર છે. અમારો ફોન સેલ્ફી આધારિત ભારતીયનો પુરો પાડે છે જેનો ખર્ચ પ્રત્યે સભાન છે તેમને મોબીસ્ટાર વાજબી પ્રાઇસ સાથે યુઝર્સને અર્થપૂર્ણ અનુભવ પૂરો પાડે છે. અમે અમારા ગ્રાહકોને અમારી નવી શ્રેણીથી ચમકવા અને વધુ આનંદની તક આપવા માંગીએ છીએ. સાથે સાથે અમારા તમામ ગ્રાહકોને શ્રેષ્ઠત્તમ સર્વિસ ક્વોલિટી પૂરી પાડવા માટે ખાતરી આપવા માંગીએ છીએ. મોબીસ્ટાર સ્માર્ટફોનની નવી રેન્જ યુઝર્સને સુપર ફાઇન સેલ્ફી અને ગ્રૂપ સેલ્ફી કેપ્ચર કરવા માટે સશક્ત બનાવશે જેનાથી તેમને પ્રકાશપૂંજની જેમ ચમકવાની તક મળશે. તમામ વર્ગમાં આ નવા મોબાઇલ આકર્ષક અને લોકપ્રિય બની રહેશે તેવી તેમણે આશા વ્યકત કરી હતી.
