Maruti Suzuki એ અંતે પોતાની પહેલી ઇલેક્ટ્રિક કાર e Vitaraને ભારતમાં લોન્ચ કરી દીધી છે. લાંબા સમયથી આ ઇલેક્ટ્રિક SUVની રાહ જોવામાં આવી રહી હતી. e Vitara ને નવા HEARTECT-e પ્લેટફોર્મ પર બનાવવામાં આવી છે, જે ખાસ કરીને ઇલેક્ટ્રિક વાહનો માટે તૈયાર કરવામાં આવ્યું છે. તેમાં બે બેટરી વિકલ્પ મળે છે – 49kWh અને 61kWh, જે લિથિયમ આયરન ફોસ્ફેટ (LFP) ટેકનોલોજી પર આધારિત છે.
e Vitaraના ફીચર્સ
આ SUVમાં Matrix LED DRLs, LED પ્રોજેક્ટર હેડલેમ્પ અને LED ટેલલેમ્પ આપવામાં આવ્યા છે. 18 ઇંચના એરોડાયનામિક એલોય વ્હીલ્સ તેનો લુક વધુ આકર્ષક બનાવે છે. ઇન્ટિરિયર માં 10.1 ઇંચનું ટચસ્ક્રીન અને 10.25 ઇંચનું ડિજિટલ ડિસ્પ્લે સાથે ડિજિટલ કોકપિટ મળે છે. વેન્ટિલેટેડ ફ્રન્ટ સીટ્સ, 10-વે પાવર એડજસ્ટેબલ ડ્રાઇવર સીટ, 40:20:40 સ્પ્લિટ રિયર સીટ, ફિક્સ્ડ ગ્લાસ સનરૂફ અને Infinity by Harman ઓડિયો સિસ્ટમ જેવા પ્રીમિયમ ફીચર્સ પણ આપવામાં આવ્યા છે. Suzuki Connect દ્વારા 60થી વધુ કનેક્ટેડ ફીચર્સ ઉપલબ્ધ છે.
e Vitaraની કિંમત
Maruti Suzuki e Vitara એક મિડ-સાઇઝ ઇલેક્ટ્રિક SUV છે. તેની શરૂઆતની એક્સ-શોરૂમ કિંમત અંદાજે 18 લાખ રૂપિયા થી શરૂ થઈ 24 લાખ રૂપિયા સુધી જઈ શકે છે. આ પ્રાઇસ રેન્જમાં તે અનેક લોકપ્રિય ઇલેક્ટ્રિક SUVs ને ટક્કર આપશે. તેનો મુકાબલો Mahindra BE 6, Toyota Urban Cruiser Ebella, Hyundai Creta Electric, Tata Curvv.ev, MG ZS EV અને VinFast VF6 જેવી ગાડીઓ સાથે રહેશે. કિંમત, રેન્જ અને ફીચર્સના આધારે મોટી ટક્કર જોવા મળશે.
e Vitaraનો પાવર
49kWh બેટરી સાથે મોટર 105.8kW પાવર આપે છે, જ્યારે 61kWh બેટરી સાથે 128kW પાવર મળે છે. કંપનીના દાવા મુજબ 61kWh બેટરી પેક સાથે આ SUV એક વખત ફુલ ચાર્જ પર 543 કિલોમીટર સુધી ચાલી શકે છે. નાની બેટરી સાથે રેન્જ અંદાજે 440 કિલોમીટર જણાવવામાં આવી છે.
e Vitara સેફ્ટી રેટિંગ
સુરક્ષાના મામલે e Vitara ને 5-સ્ટાર Bharat NCAP રેટિંગ મળ્યું છે. વયસ્ક મુસાફરોની સુરક્ષામાં તેને 32 માંથી 31.49 રેટિંગ અને બાળકોની સુરક્ષામાં 49 માંથી 43 રેટિંગ મળ્યા છે. આમાં 7 એરબેગ્સ સ્ટાન્ડર્ડ આપવામાં આવ્યા છે, જેમાં ડ્રાઇવર સાઇડ ની એરબેગ પણ શામેલ છે. ઉપરાંત ઇલેક્ટ્રોનિક સ્ટેબિલિટી કંટ્રોલ, ઓલ-ડિસ્ક બ્રેક, ઇલેક્ટ્રોનિક પાર્કિંગ બ્રેક, TPMS અને લેવલ 2 ADAS જેવા એડવાન્સ સેફ્ટી ફીચર્સ પણ આપવામાં આવ્યા છે.
