અમદાવાદ : લુમોસ અલ્ટરનેટ ઇન્વેસ્ટમેન્ટ એડવાઇઝર્સ એ બકેરી ગ્રુપ સાથે કોલેબોરેશનથી સાકાર રિયલ્ટી ફંડ-1 લોન્ચ કર્યું હતું, જેના ઉપલક્ષ્યમાં અમદાવાદના રિયલ એસ્ટેટ ઇન્વેસ્ટર્સ અને કન્સલ્ટન્ટ્સ મળીને 550 લોકો ઉપસ્થિત રહ્યાં હતા, જેમાં ગુજરાતના રિયલ એસ્ટેટ માર્કેટ વિશે ચર્ચા કરવામાં આવી.
લુમોસ ઓલ્ટરનેટ ઇન્વેસ્ટમેન્ટ એડવાઇઝર્સ સાકાર સિરિઝ હેઠળ રિયલ્ટી ફંડ-1 લોન્ચ કરશે, જેની સાઇઝ રૂ.500 કરોડની રહેશે. કંપની રિયલ્ટી ફંડમાં રોકાણની તક સર્જતું પ્લેટફોર્મ ઊભું કરશે, જેમાં સેબી ધોરણો અનુસાર રોકાણની ટિકીટ સાઇઝ રૂ.1 કરોડથી શરૂ થશે એમ કંપનીના ફાઉન્ડર અને મેનેજીંગ ડિરેક્ટર અનુરંજન મોહનોટે જણાવ્યું હતું. આ ફંડનું કદ રૂ.300 કરોડની રહેશે પણ સાથે રૂ.200 કરોડ ગ્રીન શુ ઓપ્શનનો સમાવેશ થાય છે. ફંડને લોન્ચ કરવા માટે બકેરી સાથે સહયોગ કરવામાં આવ્યો હોવાનું જણાવીને તેઓએ ઉમેર્યું હતું કે, ફંડ 6 વર્ષ સુધીની મુદ્દત ધરાવશે અને તેના દ્વારા ઊભા થનારા નાણાંનો ઉપયોગ 60-70 ટકા બકેરી પ્રોજેક્ટમાં અને 30-40 ટકા અન્ય ડેવલોપર્સના પ્રોજેક્ટમાં રોકાણ કરવામાં આવશે.
કંપની દેશના ચાર મુખ્ય શહેરો જેવા કે મુંબઈ, અમદાવાદ, પુણે અને બેંગ્લુરુંમાં કામકાજ ધરાવે છે અને અત્યાર સુધી વિવિધ ડેવલોપર્સ સાથે મળીને રૂ.500 કરોડના ફંડ તરતા મૂક્યા છે, જેના દ્વારા ઊભા કરવામાં આવેલી રકમનું રોકાણ થઈ ચૂક્યું છે. કંપની નવા ફંડમાં 18-20 ટકા વર્ષે રિટર્ન આપવાને આશાવાદી છે, એમ જણાવીને તેઓએ કહ્યું હતું કે, ભારતમાં રિયલ્ટી ફંડમાં 90 ટકા હિસ્સો મોટી સંસ્થાકિય અને બેન્કોનો રહ્યો છે, જ્યારે 10 ટકા જ નાના- મધ્યમ કદની કંપનીઓનો છે. આગામી વર્ષોમાં રિયલ એસ્ટેટ માર્કેટનું કદ વધતી જીડીપીની સાથે અનેકગણું વિસ્તરશે.
