ખાડી દેશોમાં હાલ તણાવપૂર્ણ સ્થિતિ જોવા મળી રહી છે. ઈરાન દ્વારા અમેરિકા અને ઈઝરાયેલ સામે ચાલી રહેલા સંઘર્ષ વચ્ચે ખાડી પ્રદેશના દેશો પણ નિશાન પર આવ્યા હોવાની ચર્ચાઓ છે. તાજેતરમાં દુબઈમાં થયેલા એક વીડિયો ખૂબ વાયરલ થયો છે, જેમાં વિશ્વની સૌથી ઊંચી ઈમારત બુર્જ ખલીફા પર વીજળી પડતી જોવા મળે છે. શુક્રવારે રાત્રે આવેલા તોફાની હવામાન દરમિયાન આ દ્રશ્યો કેદ થયા હતા.
તે જ સમયે અબુ ધાબી અને શારજાહ સહિત યુએઈના અનેક વિસ્તારોમાં અચાનક હવામાન બદલાયું હતું. ભારે વરસાદ, પવન અને વીજળીના કડાકા સાથે વાતાવરણ ઉથલપાથલ થયું હતું. સોશિયલ મીડિયા પર ફરતા વીડિયો અને તસવીરોમાં બુર્જ ખલીફાની ટોચ પર વીજળી ત્રાટકતી સ્પષ્ટ દેખાય છે.
Wow ..#Dubai pic.twitter.com/aQAoB5FGnO
— أحمد خليفة (@_A_khalifa) March 26, 2026
આ પહેલા પણ આ મહિનાની શરૂઆતમાં કેટલાક વીડિયો સામે આવ્યા હતા, જેમાં બુર્જ ખલીફા નજીક વિસ્ફોટ અને ધુમાડો જોવા મળ્યો હતો. એવા દાવા કરવામાં આવ્યા હતા કે ઈરાન દ્વારા દુબઈને નિશાન બનાવી મિસાઈલ અને ડ્રોન હુમલા કરવામાં આવ્યા, જેના કારણે કેટલીકવાર એરપોર્ટ પણ બંધ કરવા પડ્યા હતા.
જો કે, બુર્જ ખલીફાની સુરક્ષા માટે અદ્યતન વ્યવસ્થાઓ કરવામાં આવી છે. ટાવરની ટોચ પર વીજળીથી બચાવવા માટે લાઇટનિંગ રૉડ (વીજળી સળિયો) લગાવવામાં આવ્યો છે. જ્યારે પણ તોફાની હવામાન બને છે, ત્યારે વીજળી આ સળિયા તરફ ખેંચાય છે, જેના કારણે ઈમારતને નુકસાન થતું અટકે છે.
