Laalo Krishna Sada Sahaayate Collection: 50 લાખના બજેટમાં બનેલી ફિલ્મ લાલો-કૃષ્ણ સદા સહાયતે ગુજરાત જ નહીં દેશ વિદેશમાં પણ ધૂમ મચાવી રહી છે. જ્યારે આ ફિલ્મ રિલીઝ થઈ ત્યારે કોઈને અંદાજો નહોતો કે, આ ફિલ્મ 100 કમાણી કરનાર ફિલ્મ બની જશે. રસપ્રદ વાત તો એ છે કે, આ ફિલ્મ રિલીઝ થયાના 49 દિવસની અંદર જ શોલે અને સૈયારાને કમાણીને મામલે પાછળ છોડી દીધી છે. એટલું જ નહીં સિનેમાઘરોંમાં લાગેલી અજય દેવગણની ફિલ્મ ‘દે દે પ્યાર દે – 2’, ‘120 બહાદુર’ અને ‘મસ્તી 4’ને મ્હાત આપીને વર્લ્ડવાઇડ 100 કરોડ નજીક પહોંચનાર ફિલ્મ બની ગઈ છે.
સૌથી માત્ર 50 લાખ રૂપિયામાં બનેલી ગુજરાતી ફિલ્મ ‘લાલો: કૃષ્ણ સદા સહાયતે’ ઓક્ટોબર મહિનામાં સિનેમાઘરોમાં રિલીઝ થઈ હતી. મીડિયા રિપોર્ટ્સ મુજબ, ફક્ત 50 લાખના બજેટમાં બનેલી આ ફિલ્મે વિશ્વભરના બોક્સ ઑફિસ પરથી અત્યાર સુધીમાં ₹ 81.65 Crની કમાણી કરી લીધી છે.
આ ગુજરાતી ફિલ્મે વર્ષની ત્રણ સૌથી વધુ કમાણી કરનાર ભારતીય ફિલ્મોને પાછળ મૂકી ટોપ સ્થાન હાંસલ કર્યું છે. ‘કંતારા ચેપ્ટર વન’ એ 850 કરોડ કમાયા છે, જે તેના 125 કરોડના બજેટના લગભગ 7 ગણાં છે. ‘છાવા’ એ થોડું વધુ સારું પ્રદર્શન કર્યું છે અને 808 કરોડની કમાણી કરી છે, જે તેના 90 કરોડના બજેટના લગભગ 9 ગણાં છે. વર્ષ 2025 માં મહાવતાર નરસિંહાએ પોતાના બજેટથી 8–10 ગણાં વધુ કમાણી કરી છે
અંકિત સખિયા દ્વારા નિર્દેશિત, લાલો એક રિક્ષા ચાલકની કથા છે, જે એક ફાર્મહાઉસમાં ફસાઈ જાય છે અને પોતાના ભૂતકાળના ડરામણા પ્રસંગોનો સામનો કરતા ભગવાન શ્રીકૃષ્ણના દર્શન કરે છે. ફિલ્મે જબરદસ્ત સફળતા મેળવી છે અને ફક્ત ત્રણ અઠવાડિયામાં જ અત્યાર સુધીની સૌથી વધુ કમાણી કરનાર ગુજરાતી ફિલ્મ બની ગઈ છે.
10 ઓક્ટોબર 2025ના રોજ ગુજરાતમાં રિલીઝ થયેલી ‘લાલો: કૃષ્ણ સદા સહાયતાટે’ આજે એટલે કે 28 નવેમ્બરે હિન્દી ભાષામાં રિલીઝ થઈ શકે છે. આ ફિલ્મમાં રીવા રચ્છ, શ્રુહદ ગોસ્વામી, કરણ જોશી, અનશુ જોશી અને કિન્નલ નાયક સહિતના કલાકારો જોવા મળે છે.
