કેટરીના કૈફ અને વિક્કી કૌશલ માતા-પિતા બની ગયા છે. આ કપલના ઘરે એક નાનકડા મહેમાનનું આગમન થયું છે. વિક્કી કૌશલ સાથે તેના ફેન્સ પણ બેબીના આવવાની આતુરતાથી રાહ જોઈ રહ્યાં હતા. પિતા બનવાની ખુશી વિક્કી કૌશલે પોતાના ફેન્સ સાથે શેર કરી છે. તેણે જણાવ્યું કે, કેટરીનાએ દીકરાને જન્મ આપ્યો છે.
વિક્કી કૌશલે એક પોસ્ટ શેર કરી છે. આ પોસ્ટર શેર કરતા લખ્યું – બ્લેસ્ડ. અમારા ઘરે ખુશીઓનું બંડલ આવ્યું છે. ખૂબ જ પ્રેમ અને આશીર્વાદથી અમે બેબી બોયનું વેલકમ કર્યું છે. 7 નવેમ્બર, 2025. કેટરીના અને વિક્કી.
વિક્કી કૌશલની આ પોસ્ટ બાદ કપલ પર અભિનંદનની વર્ષા થઈ છે. સ્લેબ્સથી લઈને ફેન્સ સુધી બધા કપલને માતા-પિતા બનવા બદલ અભિનંદન પાઠવી રહ્યાં છે. કરીના કપૂરે લખ્યું – કેટ બોય મમ્મા ક્લબમાં તમારું સ્વાગત છે. તારા અને વિક્કી માટે ખૂબ જ ખૂશ છું. આયુષ્માન ખુરાનાએ લખ્યું – બેસ્ટ ન્યૂઝ. ખૂબ ખૂબ શુભેચ્છાઓ. આ પોસ્ટને સોશિયલ મીડિયા પર ખૂબ વાયરલ થઈ રહી છે અને લાખો લાઇક્સ મળી ચૂકી છે.
જણાવી દઈએ કે, વિક્કી કૌશલ અને કેટરીના કૈફે આ વર્ષે સપ્ટેમ્બર 2025માં પ્રેગ્નેન્સી એનાઉસમેન્ટ કરી હતી. કેટરીના કૈફે બેબી બંપ ફ્લોન્ટ કરતા ફોટો શેર કર્યો હતો. તેણે લખ્યું હતુ. અમે અમારી જિંદગીનું સૌથી સારુ ચેપ્ટર ખુશીઓ સાથે શરૂ કરવા જઈ રહ્યાં છીએ. કેટરીના કૈફ અને વિક્કી કૌશલ પહેલી વાર માતા-પિતા બન્યાં છે. તેઓએ વર્ષ 2021 ડિસેમ્બરમાં લગ્ન કર્યાં હતા. તેના લગ્ન રાજસ્થાનમાં ધામધૂમથી થયા હતા.
