બોલિવુડમાં હાલના સમયમાં દરેક સ્ટાર કાર્તિક આર્યનની ચર્ચા કરતા નજરે પડે છે. તે બોલિવુડમાં પોતાની ફિલ્મો મારફતે હજુ સુધી કોઇ ઉલ્લેખનીય સફળતા હાંસલ કરી શક્યો નથી પરંતુ તેના ક્રેઝની ચર્ચા ચારેબાજુ જોવા મળે છે. હાલમાં તે અનેક ફિલ્મોમાં કામ કરી રહ્યો છે. જેમાં તમામ નવી અભિનેત્રીનો સમાવેશ થાય છે. બોલિવુડની દરેક નવી અભિનેત્રી જે હાલમાં બોલિવુડમાં પ્રવેશ કરી ચુકી છે અથવા તો પ્રવેશ કરવા માટે તૈયાર છે તે કાર્તિક આર્યનની સાથે ફિલ્મ કરવા અને તેની સાથે જ ડેટિંગ પર જવાની પણ ઇચ્છા ધરાવે છે. આ તમામ બાબતોથી અંદાજ લગાવી શકાય છે કે કાર્તિક આજે કેટલો લોકપ્રિય થઇ ગયો છે.
થોડાક સમય પહેલા કેદારનાથ ફિલ્મ મારફતે બોલિવુડમાં એન્ટ્રી કરી ચુકેલા અને સિમ્બા મારફતે તમામનુ ધ્યાન ખેંચનાર સેફ અલી ખાનની પુત્રી સારા અલી ખાને પણ એક ઇન્ટરવ્યુ દરમિયાન કબુલાત કરી હતી કે તે કાર્તિક આર્યનથી પ્રભાવિત છે. જો તેને ડેટ પર જવા માટે કોઇની સાથે તક મળે તો તે કાર્તિકની સાથે ડેટ પર જવાનુ પસંદ કરશે. સાથે સાથે સારા કાર્તિક સાથે ફિલ્મ કરવાની ઇચ્છા પણ વ્યક્ત કરી ચુકી છે. બીજી બાજુ વિતેલા વર્ષોના સુપરસ્ટાર અભિનેતા ચંકી પાન્ડેની પુત્રી અનન્યા પાન્ડે પણ એક શોમાં કહી ચુકી છે કે કાર્તિક ક્યુટ છે. કરણના ચેટ શો દરમિયાન અનન્યા, તારા સુતારિયા અને ટાઇગર શ્રોફ પહોંચ્યા હતા. શો દરમિયાન ચંકી પાન્ડેની પુત્રીએ કહ્યુ હતુ કે કાર્તિક તેને ખુબ જ ક્યુટ લાગે છે.
જ્યારે કરણ જાહરે કહ્યુ હતુ કે સારા અલી ખાન પણ તેની સાથે જવા માંગે છે ત્યારે અનન્યાએ કહ્યુ હતુ કે તે એજ જગ્યાએ પહોંચી જશે જ્યાં સારા અલી ખાન અને કાર્તિક જશે. આ પહેલા કરણના ચેટ શો દરમિયાન જ સારા અલી ખાને કાર્તિક આર્યનને ડેટ કરવાની ઇચ્છા વ્યક્ત કરી હતી. ત્યારબાજ કાર્તિકે મજાકમાં કહ્યુ હતુ કે તે પોતે પણ સારા સાથે ડેટ પર જવાનુ પસંદ કરશે. કાર્તિક આર્યનને બોલિવુડમાં તરત જ સફળતા હાથ લાગી નથી. તેનુ કહેવુ છે કે તે કિંગ ખાન શાહરૂખના મોટા ફેન તરીકે છે. તેની એક ઝલક મેળવી લેવા માટે તે તેના ઘરની બહાર ઉભો રહેતો હતો. પ્યાર કા પંચનામા, સોનુ કે ટીટુની સ્વીટી જેવી ફિલ્મોમાં કામ કરી ચુકેલા કાર્તિકે હાલમાં કાર્યક્રમ દરમિયાન કહ્યુ હતુ કે તે બોલિવુડમાં આવતા પહેલા ખુબ સંઘર્ષ કરી ચુક્યો છે. તેનુ કહેવુ છે કે તે કઇ રીતે બેલાપુર નવી મુંબઇમાં રહેતો હતો. સાથે સાથે અંધેરી સુધી ઓડિસન્સ માટે પહોંચી જતો હતો. જ્યા તે બે રૂમના ફ્લેટને ૧૨ લોકો શેયર કરતા હતા. કાર્તિક હાલના દિવસોમાં અનેક ફિલ્મમાં કામ કરી રહ્યો છે.
જેમાં પતિ પત્નિ ઓર હો, લુકાછિપી અને અન્ય કેટલીક ફિલ્મોનો સમાવેશ થાય છે. તેનુ કહેવુ છે કે સોનુ કે ટીટુ કી સ્વીટી ફિલ્મમાં કામ કર્યા બાદ તેને એક ફિલ્મમાં કામ કરવા માટે ૧૦ કરોડ રૂપિયાની ઓફર કરવામાં આવી હતી. પરંતુ તે ફિલ્મની ઓફરને ફગાવી ચુક્યો છે. કારણવ્કે તેને જે રોલ આપવામાં આવ્યો હતો તે રોલ કરવા માટે તે કનેકટ થઇ રહ્યો ન હતો. હવે એવા અહેવાલ પણ મળી રહ્યા છે કે અનીસ બાજણી અને ભુષણ કુમાર સાથે મળીને એક ફિલ્મ બનાવવા માટે જઇ રહ્યા છે જેમાં તે દિશા પટણીની સાથે નજરે પડનાર છે. તે દિશાની સાથે રોમાન્સ કરતો નજરે પડનાર છે.
રિપોર્ટની વાત કરવામાં આવે તો આ એક કોમેડી ફિલ્મ રહેશે. વર્ષ ૧૯૯૮માં રજૂ કરવામાં આવેલી ફિલ્મ પ્યાર તો હોના હી થા નામની ફિલ્મ બાદ બાજમી નવી ફિલ્મ બનાવવા જઇ રહ્યા છે. ફિલ્મ નિર્માતા કાર્તિક આર્યનની ફિલ્મ કુશળતાથી ખુબ પ્રભાવિત છે. તેની પાસે એક પછી એક ફિલ્મની ઓફર આવી રહી છે. લુકાછુપી બાદ તેની પાસે અનન્યા પાન્ડેની સાથેની ફિલ્મ પતિ પત્નિ ઓર વો ફિલ્મ મળી હતી. જેમાં તેની સાથે ભૂમિ પેડનેગર પણ કામ કરી રહી છે. બોલિવુડમાં તે યુવા અભિનેત્રીઓમાં લોકપ્રિયતા ધરાવે છે. કાર્તિક આર્યન હાલમાં શુ કરી રહ્યો છે તે અંગે માહિતી મેળવી લેવા માટે આજે મિડિયા પણ ઉત્સુક રહે છે. હાલમાં તે ચંકી પાન્ડેની પુત્રી અનન્યા સાથે નજરે પડી રહ્યો છે. જા કે તેમની વચ્ચે સંબંધોને લઇને કોઇ ખુલાસો કરવામાં આવ્યો નથી. કાર્તિક ની ફિલ્મો અને તેના યુવા સ્ટાર અભિનેત્રીઓ સાથેના કનેક્શનની ચર્ચા સતત જાવા મળી રહી છે. વર્ષ ૨૦૧૯ તેના માટે ખુબ શાનદાર રહેવાની શક્યતા છે.
