ટી20 વર્લ્ડ કપ 2026 વચ્ચે ભારતીય ક્રિકેટ કન્ટ્રોલ બોર્ડે મોટી જાહેરાત કરી દીધી છે. IPL 2026 પછી ભારતીય ટીમ પોતાના ઘર પર એક ટેસ્ટ અને 3 મેચમી વનડે સીરિજ રમશે. આ મેચ જૂનમાં રમાશે અને બીસીસીઆઈએ શેડ્યૂલની જાહેરાત પણ કરી દીધી છે. આ દરમિયાન એક એવી ટીમ ભારત આવી રહી છે, જેની સામે ટીમ ઇન્ડિયા અત્યાર સુધી એક પણ વનડે સીરિઝ રમી નથી. એવામાં આ સીરિઝ ફેન્સ માટે ઘણી રોમાંચક રહેવાની છે.
ભારત આ ટીમ સામે પહેલી વખત ODI સિરીઝ રમશે
બીસીસીઆઈએ અફઘાનિસ્તાનના ભારત પ્રવાસ 2026નો શેડ્યૂલ જાહેર કર્યો છે. આ પ્રવાસ જૂન 2026માં યોજાશે, જેમાં ભારત અને અફઘાનિસ્તાન વચ્ચે એક ટેસ્ટ મેચ તેમજ ત્રણ વનડે ઇન્ટરનેશનલ (ODI) મેચ રમાશે. પ્રવાસની શરૂઆત 6 થી 10 જૂન દરમિયાન ન્યૂ ચંડીગઢમાં રમાનારી એકમાત્ર ટેસ્ટ મેચથી થશે. બંને દેશો વચ્ચે આ બીજી ટેસ્ટ હશે. અગાઉ 2018માં બંને ટીમો વચ્ચે ટેસ્ટ રમાઈ હતી, જે અફઘાનિસ્તાનનો પ્રથમ ટેસ્ટ મેચ પણ હતો.
ત્યારબાદ 14 જૂનથી વનડે સિરીઝ શરૂ થશે. બંને દેશો વચ્ચે આ પહેલી વનડે સિરીઝ હશે. અત્યાર સુધી બંને ટીમો વચ્ચે ODI ફોર્મેટમાં માત્ર ICC ઇવેન્ટ અને એશિયા કપમાં જ મેચ રમાઈ છે. વનડે મેચો ધર્મશાલા, લખનૌ અને ચેન્નાઈમાં રમાશે. અફઘાનિસ્તાન ક્રિકેટ માટે આ મોટો અવસર હશે, કારણ કે તેને વિશ્વની ટોચની ટીમ સામે રમવાની તક મળશે. આ સિરીઝથી ટીમ ઈન્ડિયા 2027 વનડે વર્લ્ડ કપની તૈયારી શરૂ કરશે.
ભારત–અફઘાનિસ્તાન સિરીઝનો કાર્યક્રમ:
એકમાત્ર ટેસ્ટ: 6 થી 10 જૂન – ચંડીગઢ
પ્રથમ ODI: 14 જૂન 2026 – ધર્મશાલા
બીજો ODI: 17 જૂન 2026 – લખનૌ
ત્રીજો ODI: 20 જૂન 2026 – ચેન્નાઈ
રોહિત–વિરાટની વાપસી
આ સિરીઝ ભારતીય ચાહકો માટે ખાસ રહેશે. રોહિત શર્મા અને વિરાટ કોહલી ફરી એકવાર મેદાનમાં નજર આવશે. જોકે, બીસીસીઆઈએ હજી ટીમની જાહેરાત કરી નથી. ટીમની પસંદગી IPL 2026 બાદ થવાની શક્યતા છે.
